नेट फारंच स्लो झालंय का रे? - शैलेशचा प्रश्न
नेट व्यवस्थित आहे. तुझं ब्राऊजर गंडलंय... - श्रीचे उत्तर

शैलेश फायरफॉक्सचा भक्त. कितीही सुंदर दिसणारं, सोयी-सुविधांनी युक्त असं नवं ब्राऊजर आलं तरी हा गडी फायरफॉक्सलाच चिकटून होता. शैलेशसारख्या फायरफॉक्सपंथीयांची ही नेहमीची तक्रार. हा ब्राऊजर प्रचंड मेमरी खातो, एक्स्टेन्शन्स वाढली की हा पार ढपतो इथपासून ते पेज लोड होण्यास प्रचंड वेळ लागतो इथपर्यंत अनेक तक्रारी सारख्या सुरू असतात. पण तरीदेखील हे लोक दुसऱ्या ब्राऊजरकडे वळत नाहीत. अशा फायरफॉक्सपंथीयांसाठीच आजची ही पोस्ट लिहितोय.

फायरफॉक्सच्या Configuration फाईलमध्ये किंचित बदल करून तुम्ही तुमच्या फायरफॉक्सला जोरदार पळवू शकता. अर्थात, यासाठी तुम्हाला Configuration चेंज करावे लागेल. पुढे दिलेल्या स्टेप्स अत्यंत काळजीपूर्वक फॉलो कराः

Cache फीचरसाठी राखून ठेवलेली RAM कमी करण्यासाठीः
सर्फिंगदरम्यान कॅशिंगसाठी फायरफॉक्सतर्फे ठराविक RAM वापरली जाते. यामुळे अनेकदा इतर प्रोसेसेस आणि फायरफॉक्सही स्लो होण्याची शक्यता असते. ही RAM कमी करण्यासाठी पुढील स्टेप्स फॉलो कराः

• अॅड्रेस बारमध्ये about:config असे टाईप करा. एंटर केल्यानंतर एक धोक्याचा इशारा येईल. त्याकडे दुर्लक्ष करून I’ll be careful, I promise वर क्लिक करा.
• आता वरच्या बाजूस Filter नावाने एक सर्च बार येईल. त्यात browser.sessionhistory.max_total_viewer असा सर्च द्या.
• Value वर क्लिक करून ती 0 अशी सेट करा (Default Value: -1)

• अॅड्रेस बारमध्ये about:config असे टाईप करा. एंटर केल्यानंतर एक धोक्याचा इशारा येईल. त्याकडे दुर्लक्ष करून I’ll be careful, I promise वर क्लिक करा.
• Filter मध्ये network.http.pipelining असे टाईप करून व्हॅल्यूवर क्लिक करा व ती True अशी सेट करा. (Default Value: False)
• याच पद्धतीने network.http.proxy.pipelining असे टाईप करा. ही व्हॅल्यूही True अशी सेट करा. (Default Value: False)
• आता network.http.pipelining.maxrequests असे टाईप करून ही व्हॅल्यू 10 अशी सेट करा. (Default Value: 4)
• आता याच विंडोत राईट-क्लिक करून New > Integer असे सिलेक्ट करा. याला nglayout.initialpaint.delay असे नाव द्या आणि त्याची व्हॅल्यू 0 अशी सेट करा.

• अॅड्रेस बारमध्ये about:config असे टाईप करा. एंटर केल्यानंतर एक धोक्याचा इशारा येईल. त्याकडे दुर्लक्ष करून I’ll be careful, I promise वर क्लिक करा.
• आता याच विंडोत राईट-क्लिक करून New > Boolean असे सिलेक्ट करा.
• याला config.trim_on_minimize असे नाव देऊन एंटर करा.
• नव्या बॉक्समध्ये याची व्हॅल्यू True अशी सेट करा.

काही कारणांमुळे कधी-कधी इंटरनेटचा स्पीड कमी होतो. त्यामुळे घरीही काम होत नाही आणि अॉफिसमध्येही तीच परिस्थिती होते. अशा वेळी काही ट्विक्स वापरून आपण हा स्पीड वाढवू शकतो. वास्तविक इंटरनेट सर्विस प्रोव्हायडरकडून किंवा नेटवर्क अॅडमिनिस्ट्रेटरकडून मिळणारा स्पीड वाढवता येत नाही; परंतु ही छोटी टिप वापरून आपण इंटरनेट एक्स्प्लोररचा ब्राऊजिंग स्पीड नक्कीच वाढवू शकतो.

या ट्विकमध्ये विंडोज कॉन्फिगरेशन डेटा (रजिस्ट्री) एडिट करायचा आहे. त्यात गोंधळ होण्याची शक्यता असल्याने अगोदर रजिस्ट्री बॅक-अप करून ठेवा.
रजिस्ट्री बॅक-अप करण्यासाठी:
स्टार्ट > प्रोग्राम्स > अॅक्सेसरीज > सिस्टीम टूल्स > सिस्टीम रिस्टोर
रिस्टोर पॉईंट सिलेक्ट केल्यानंतर त्याविषयीची माहिती एंटर करा असा बॉक्स ओपन होईल. नेक्स्टवर क्लिक करून पुढे जा. रिस्टोर पॉईंट तयार होईल.

रजिस्ट्री रिस्टोर करण्यासाठीः
स्टार्ट > प्रोग्राम्स > अॅक्सेसरीज > सिस्टीम टूल्स > सिस्टीम रिस्टोर
Restore my computer to an earlier time सिलेक्ट करून नेक्स्टवर क्लिक करा.
बॅक-अप घेतल्याची तारिख आणि रिस्टोर पॉईंट सिलेक्ट करून नेक्स्टवर क्लिक केल्यास रजिस्ट्री रिस्टोर होईल.

आता मुख्य टिपकडे वळूया. इंटरनेट एक्स्प्लोररकडून दोन स्ट्रीमद्वारे डेटा फेच केला जातो. आपण या स्ट्रीमची संख्या दोनवरून सहावर नेणार आहोत. यामुळे तुम्ही वेगाने ब्राऊजिंग करू शकाल. त्यासाठी पुढील स्टेप्स फॉलो कराः
१. स्टार्ट > रन
२. regedit टाईप करून अोकेवर क्लिक करा


३. नव्याने ओपन झालेल्या विंडोमध्ये डाव्या बाजूस HKEY_CURRENT_USER\Software\Microsoft\Windows\CurrentVersion\Internet Settings मध्ये जा.
४. त्यासमोर उजव्या भागात MaxConnectionsPerServer आणि MaxConnectionsPer1_0Server शोधा.
५. त्यावर राईट क्लिक करून मॉडिफायवर क्लिक करा. आता डेसिमल सिलेक्ट करून व्हॅल्यू फील्डमध्ये ६ एंटर करा. MaxConnectionsPerServer आणि MaxConnectionsPer1_0Server साठी ही प्रोसेस फॉलो करा.
६. या दोन व्हॅल्यूज (MaxConnectionsPerServer आणि MaxConnectionsPer1_0Server) सापडल्या नाहीत तर उजव्या भागातील व्हाईट पोर्शनमध्ये राईट क्लिक करून NEW > DWORD सिलेक्ट करा. या नव्या DWORD व्हॅल्यूचे नाव MaxConnectionsPerServer असे देऊन एंटर करा. ही स्टेप रिपीट करून MaxConnectionsPer1_0Server अशा नावाने आणखी एक DWORD व्हॅल्यू तयार करा.


७. आता स्टेप ५ मध्ये सांगितल्याप्रमाणे या व्हॅल्यूज मॉडिफाय करा.


८. regedit बंद करून सिस्टीम रिस्टार्ट करा.

हे बदल करण्यापूवर्वी एखादी साईट ओपन होण्यासाठी किती वेळ लागतो, हे नोंदवून ठेवा. Cache क्लिअर करून बदल केल्यानंतर तीच साईट ओपन होण्यास किती वेळ लागतो हे पाहा.

आपला अनुभव अवश्य कळवा.
Read the full story

एकावेळी दोन किंवा अनेक जी-मेल अकाऊंट्स कशी अॅक्सेस करावीत, यासंदभर्भातील माहिती मी या अगोदर दिली होती (वाचाः दोघांत तिसरा...). तुम्ही दोन किंवा त्याहून अधिक जी-मेल अकाऊंट्स वापरत असाल तर त्या-त्या अकाऊंट्ससाठी जी-टॉक अॅक्सेस करताना तुमची नक्कीच पंचाईत होत असेल. म्हणजे, एका अकाऊंटवरून लॉग अाऊट होऊन दुसऱ्यावर लॉग-इन व्हावं लागत असेल. यावर उपाय आहे. एकावेळी मल्टिपल जी-टॉक अकाऊंट्स अॅक्सेस करण्यासाठी पुढे दिलेली साधी-सोपी ट्रिक वापरा.



ही ट्रिक म्हणजे इथिकल हॅकिंग आहे. जी-मेल, जी-टॉकसाठी असे अनेक हॅक्स उपलब्ध आहेत. या हॅकला GTalk Polygamy असे म्हणतात. यात तुम्ही एकदा डाऊनलोड केलेला जी-टॉक क्लाएंट एकाचवेळी मल्टिपल अकाऊंट्स अॅक्सेस करण्याससाठी वापरू शकता. त्यासाठी खालील स्टेप्स काळजीपूर्वक फॉलो कराः
सवर्वांत अाधी जी-टॉक क्लाएंट डिफॉल्ट लोकेशनला (म्हणजे c:\program files\google\google talk\googletalk.exe येथे) सेव्ह आहे किंवा कसे, हे तपासून घ्या

१. डेस्कटॉपवर जाऊन राईट-क्लिक करा. त्यानंतर ‘न्यू’वर कर्सर नेऊन ‘शॉर्टकट’ सिलेक्ट करा.
२. आता टेक्सबॉक्समध्ये पुढील ओळ पेस्ट करा (अवतरणचिन्हासह)
"c:\program files\google\google talk\googletalk.exe" /nomutex
३. नेक्स्टवर क्लिक करा.
४. या शॉर्टकटला तुम्ही हवे ते नाव देऊ शकता. उदा. जी-टॉक १, जी-टॉक २ किंवा तुमचे यूजरनेम
त्यानंतर ओकेवर क्लिक करा.
५. आता तुमच्याकडे जी-टॉकचे दोन स्वतंत्र शॉर्टकट आहेत. त्यावरून तुम्ही दोन वेगवेगळ्या अकाऊंट्सवर लॉग-इन होऊ शकता.
Read the full story

तुमच्यापैकी अनेकांकडे अॅपल आयपॉड असेलंच? मी अॅपल अायपॉड म्हणतोय...अनेक लोक साध्या एमपीथ्री प्लेयरलादेखील आयपॉड म्हणतात. ते चुकीचे आहे. असो. आयपॉड कोणत्याही कॉम्प्युटर किंवा लॅपटॉपला कनेक्ट करण्यासाठी अॅपल आयट्यून्स हे सॉफ्टवेअर वापरावे लागते. तुमच्याकडे जर आयट्यून्सचे लेटेस्ट व्हर्जन (आयट्यून्स ७.६) असेल तर त्यातील एक नवं फीचर तुम्ही पाहिले असेल. नव्या आयट्यून्समधून तुम्ही कोणतंही गाणं एमपीथ्री रिंगटोनमध्ये कन्व्हर्ट करू शकता. आयट्यूनच्या नेव्हिगेशन बारमध्ये स्टोअरवर क्लिक केल्यास क्रिएट रिंगटोन असा अॉप्शन दिसेल. पण यात एक गोम आहे. आयट्यून्स स्टोअरमधून विकत घेतलेल्या गाण्याच्याच रिंगटोन याद्वारे तयार करता येतात. त्यामुळे आयट्यून्स स्टोअरमध्ये फ्री ठेवलेल्या गाण्यांच्याच रिंगटोन्स तुम्ही तयार करू शकता...

आता तुम्ही म्हणाल, एवढे चांगले फीचर आहे. पण काय उपयोग? आमच्याकडे असलेल्या गाण्यांतून रिंगटोन तयार करण्यासाठी काही पयर्याय आहे का? येस्स...आहे. यासाठी एक हॅक आहे. पुढे दिलेल्या स्टेप्स काळजीपूर्वक फॉलो करा. या स्टेप्स मॅक अॉपरेटिंग सिस्टिमसाठी आहेत. पण काही कमांड्सची नावं सोडल्यास त्या विंडोजसाठीही लागू होतील. सो, गेट रेडी टू मेक यूवर कस्टम रिंगटोन्स - फ्री अॉफ कॉस्ट!

1. आयट्यून्समध्ये प्रेफरन्सेस > अॅडव्हान्स्डमध्ये जाऊन इम्पोर्टिंग टॅबवर क्लिक करा
2. इम्पोर्ट यूजिंग यावर जाऊन एमपीथ्री एनकोडर सिलेक्ट करा
3. त्यानंतर सेटिंगमध्ये जाऊन कस्टम सिलेक्ट करा



4. कस्टम सेंटिंगसाठी वेगळी विंडो ओपन होईल. त्यात जाऊन स्टिरिओ बिट रेट ६४ केबीपीएस एवढा ठेवा. बाकी कोणताही बदल न करता ओके म्हणा.
5. अॅडव्हान्स्ड मेनूही ओके म्हणून क्लोज करा.
6. आता आयट्यून्समध्ये जाऊन जे गाणे तुम्हाला रिंगटोनमध्ये कन्व्हर्ट करायचे आहे ते हायलाईट करा.
त्यावर राईट-क्लिक करून गेट-इन्फो किंवा प्रॉपर्टीजवर क्लिक करा.
7. अॉप्शन टॅबवर क्लिक करा. त्यात स्टार्ट टाईम आणि स्टॉप टाईम असे अॉप्शन्स असतील. त्या दोन्ही बॉक्सेसवर चेक करून 8. तुम्हाला हव्या त्या पोर्शनच्या वेळा एंटर करा. ओके म्हणून त्यातून बाहेर या.



9. आता पुन्हा आयट्यून्समध्ये येऊन त्याच गाण्यावर हायलाईट करा. नेव्हिगेशन बारमध्ये अॅडव्हान्सड टॅबवर क्लिक करा. त्यात कन्व्हर्ट सिलेक्शन टू एमपीथ्री अशी कमांड असेल. त्यावर क्लिक करा. तुमची रिंगटोन तयार आहे.
10. आयट्यूनच्या डिफॉल्ट म्यूझिक फोल्डरमध्ये या रिंगटोनची फाईल असेल. ती ब्लुटूथ किंवा डेटा केबलने तुमच्या फोनवर ट्रान्स्फर करा.
(लक्षात ठेवाः आयट्यून्समध्ये जाऊन स्टेप ६ ते ८ पुन्हा रिपीट करा आणि स्टार्ट टाईम वर स्टॉप टाईम अनचेक करा.)

Thanks Jenny
Read the full story

तुमच्या अॉफिसमध्ये किंवा कॉलेजमध्ये अॉरकुट ब्लॉक केले असल्यास खालील ट्रिक वापरून तुम्ही अॉरकुट अॅक्सेस करू शकताः
1. अॉरकुट प्रॉक्सीः
http://images.orkut.com किंवा
http://images3.orkut.com या साईटवर क्लिक केल्यास तुम्ही अॉरकुट अॅक्सेस करू शकाल. अॉरकुटवरील इमेजेस होस्ट करण्यासाठी तयार केलेल्या या साईट्स तुम्हाला अॉफिसमध्ये अॉरकुट सर्फिंगचा अानंद देऊ शकतात (चोरून खालेल्ल्या कैरीसारखा!).


2. एनकोडेड यूआरएलः अॉफिसमधील फायरवॉल बायपास करायचा असेल तर ही भन्नाच ट्रिक वापरा. लक्षात ठेवा, ही ट्रिक फक्त इंटरनेट एक्स्प्लोरर या ब्राऊजरमध्येच काम करते.

- http://www.swingnote.com/tools/texttohex.php या साईटवर लॉग-इन करा
- तेथे स्ट्रिंग असे लिहिलेल्या बॉक्समध्ये अॉरकुट असे टाईप करा व कन्व्हर्टवर क्लिक करा
- कन्व्हर्ट म्हटल्यानंतर Hex Encoded for URL: %6f%72%6b%75%74 असं काहीसं येईल. ही एनकोडेड यूआरएल तुमच्या ब्राऊजरच्या अॅड्रेसबारमध्ये टाईप करा.
- नाऊ, एन्जॉय अॉरकुट!

अशा अनेक ट्रिक्स आहेत, पण त्या ‘सा-सो’ (साध्या-सोप्या) गटात मोडत नाहीत. तरीदेखील त्याबद्दल अधिक माहिती हवी असल्यास मला sasotechnology@gmail.com वर मेल करा.

अपडेटः अॉफिसमध्ये काही विशिष्ट साईट्स ब्लॉक केल्याने कर्मचाऱ्यांची उत्पादनक्षमता वाढते, असा गोड गैरसमज असणाऱ्यांना चपराक देणारा रिपोर्ट प्रकाशित झाला आहे. असे केल्याने कर्मचाऱ्यांची उत्पादनक्षमता घटते, असे त्यात म्हटले आहे.
याविषयीच्या बातमीसाठी येथे क्लिक करा.
Read the full story