‘डिक्शनरी’ची गरज कोणाला, केव्हा आणि कुठे भासेल याचा नेम नाही. बुकशेल्फमधील जाडजूड अॉक्सफर्ड डिक्शनरी तशी केव्हाही कामाला येते, पण कॉम्प्युटर आणि मोबाईलचा वापर वाढल्यामुळे आपण साहजिकच या माध्यमातील डिक्शनरीज वापरायला लागतो. वर्डमध्ये काम करत असताना आपण तिथली डिक्शनरी वापरतो, मोबाईलसाठीही डिक्शनरीचे अनेक अॅप्लिकेशन्स उपलब्ध आहेत. सर्चचा वापर करूनही आपण एखाद्या शब्दाचा अर्थ समजून घेऊ शकतो. ई-मेल वाचताना किंवा लिहिताना एखादा शब्द अडला तरीदेखील तुम्ही तिथल्या तिथे त्याचा अर्थ जाणून घेऊ शकता. यासाठी तुम्ही गुगल बोट वापरू शकता. बोट म्हणजे वेब रोबोट्स अर्थाच एखाद्या कमांडसाठी ठरवून दिलेले काम करणारे अॅप्लिकेशन्स.

गुगल टॉक किंवा जी-मेल चॅटमधून lookup@bot.im या ई-मेल अॅड्रेसला चॅटिंगसाठी इन्व्हाईट केल्यानंतर तुम्ही ही सेवा वापरू शकता. dict असे टाईप करून त्यापुढे तुम्हाला ज्या शब्दाचा अर्थ जाणून घ्यायचाय तो शब्द Lookup ला पाठवला की पुढच्या सेकंदाला तुम्हाला त्याचा अर्थ मिळेल.

उदा. तुम्हाला Deprecate या शब्दाचा अर्थ माहित करून घ्यायचा असल्यास dict deprecate असा मेसेज पाठवा.
या बोटचा वापर करून तुम्ही कठीण हिंदी शब्दांचे अर्थही समजून घेऊ शकता. उदा. dict गहरा असा मेसेज केल्यानंतर या शब्दाचा इंग्लिशमधील अर्थ तुमच्यासमोर येईल.





याच पद्धतीने इंग्लिशमधील शब्द हिंदीत भाषांतरित करायचे असतील तर तुम्ही en2hi.translit@bot.talk.google.com या बोटचा वापर करू शकता.

अधिक बोट्ससाठी वाचाः
Useful Google Talk Bots That You Must Add as Friends
Read the full story

नेट फारंच स्लो झालंय का रे? - शैलेशचा प्रश्न
नेट व्यवस्थित आहे. तुझं ब्राऊजर गंडलंय... - श्रीचे उत्तर

शैलेश फायरफॉक्सचा भक्त. कितीही सुंदर दिसणारं, सोयी-सुविधांनी युक्त असं नवं ब्राऊजर आलं तरी हा गडी फायरफॉक्सलाच चिकटून होता. शैलेशसारख्या फायरफॉक्सपंथीयांची ही नेहमीची तक्रार. हा ब्राऊजर प्रचंड मेमरी खातो, एक्स्टेन्शन्स वाढली की हा पार ढपतो इथपासून ते पेज लोड होण्यास प्रचंड वेळ लागतो इथपर्यंत अनेक तक्रारी सारख्या सुरू असतात. पण तरीदेखील हे लोक दुसऱ्या ब्राऊजरकडे वळत नाहीत. अशा फायरफॉक्सपंथीयांसाठीच आजची ही पोस्ट लिहितोय.

फायरफॉक्सच्या Configuration फाईलमध्ये किंचित बदल करून तुम्ही तुमच्या फायरफॉक्सला जोरदार पळवू शकता. अर्थात, यासाठी तुम्हाला Configuration चेंज करावे लागेल. पुढे दिलेल्या स्टेप्स अत्यंत काळजीपूर्वक फॉलो कराः

Cache फीचरसाठी राखून ठेवलेली RAM कमी करण्यासाठीः
सर्फिंगदरम्यान कॅशिंगसाठी फायरफॉक्सतर्फे ठराविक RAM वापरली जाते. यामुळे अनेकदा इतर प्रोसेसेस आणि फायरफॉक्सही स्लो होण्याची शक्यता असते. ही RAM कमी करण्यासाठी पुढील स्टेप्स फॉलो कराः

• अॅड्रेस बारमध्ये about:config असे टाईप करा. एंटर केल्यानंतर एक धोक्याचा इशारा येईल. त्याकडे दुर्लक्ष करून I’ll be careful, I promise वर क्लिक करा.
• आता वरच्या बाजूस Filter नावाने एक सर्च बार येईल. त्यात browser.sessionhistory.max_total_viewer असा सर्च द्या.
• Value वर क्लिक करून ती 0 अशी सेट करा (Default Value: -1)

• अॅड्रेस बारमध्ये about:config असे टाईप करा. एंटर केल्यानंतर एक धोक्याचा इशारा येईल. त्याकडे दुर्लक्ष करून I’ll be careful, I promise वर क्लिक करा.
• Filter मध्ये network.http.pipelining असे टाईप करून व्हॅल्यूवर क्लिक करा व ती True अशी सेट करा. (Default Value: False)
• याच पद्धतीने network.http.proxy.pipelining असे टाईप करा. ही व्हॅल्यूही True अशी सेट करा. (Default Value: False)
• आता network.http.pipelining.maxrequests असे टाईप करून ही व्हॅल्यू 10 अशी सेट करा. (Default Value: 4)
• आता याच विंडोत राईट-क्लिक करून New > Integer असे सिलेक्ट करा. याला nglayout.initialpaint.delay असे नाव द्या आणि त्याची व्हॅल्यू 0 अशी सेट करा.

• अॅड्रेस बारमध्ये about:config असे टाईप करा. एंटर केल्यानंतर एक धोक्याचा इशारा येईल. त्याकडे दुर्लक्ष करून I’ll be careful, I promise वर क्लिक करा.
• आता याच विंडोत राईट-क्लिक करून New > Boolean असे सिलेक्ट करा.
• याला config.trim_on_minimize असे नाव देऊन एंटर करा.
• नव्या बॉक्समध्ये याची व्हॅल्यू True अशी सेट करा.

ई-मेल सिग्नेचर्स हा एक प्रचंड इंटरेस्टिंग प्रकार आहे. तुम्हाला आलेल्या ई-मेल्स एकदा चेक करा. प्रत्येकाच्या ई-मेलमध्ये मेसेजनंतर एक वेगळ्याच प्रकारची सिग्नेचर तुम्हाला दिसून येईल. काही जण नुसतं नाव लिहिणं पसंत करतात, तर काही जणांना नाव, गाव, पत्त्यासह ब्लॉग, वेबसाईट आणि सोशल नेटवर्किंग साईटवरील प्रोफाईल्सच्या लिंक्स देणंही आवडतं. पण अत्यंत सपक वाटणाऱ्या या सिग्नेचर्स आकर्षक करता आल्या तर? येस. वाईज स्टँप नावाचे फायरफॉक्स अॅड-अॉन वापरून तुम्ही ई-मेल सिग्नेचर्सने तुमची नवी ओळख तयार करू शकता.

जी-मेल, याहू मेल, हॉटमेल आणि एओएल मेल आणि इतर अनेक ई-मेल सेवांमध्ये तुम्ही वाईज स्टँपची मदत घेऊन तयार केलेल्या सिग्नेचर्स वापरू शकता. वाईज स्टँप डाऊनलोड करून इन्स्टॉल केल्यानंतर फायरफॉक्समध्ये खाली उजव्या कोपऱ्यात स्टँपचा आयकॉन दिसायला लागेल. असाच आयकॉन तुम्हाला जी-मेलच्या कॉम्पोझ मेन्यूमध्येही दिसेल. हा आयकॉन वापरून तुम्ही अगोदर तयार करून ठेवलेल्या पर्सनल किंवा बिझनेस सिग्नेचर्स ई-मेलमध्ये अॅड करू शकाल.

वाईज स्टँपमध्ये सिग्नेचर तयार करणे एकदम सोपे आहे. यासाठी तुम्ही एकतर तयार टेम्प्लेट वापरू शकता किंवा थेट तुम्हाला हवी तशी सिग्नेचर तयार करू शकता. पन्नासहून अधिक सोशल मीडिया (फेसबुक, ट्विटर, इ.) आणि इन्स्टन्ट मेसेंजर (जी-टॉक, स्काईप, इ.) सेवांसाठीचे छोटे आयकॉन्स तुम्ही सिग्नेचरमध्ये अॅड करू शकता. याशिवाय तुमच्या ब्लॉग किंवा वेबसाईटचा प्रसार करण्यासाठीसुद्धा ई-मेल सिग्नेचर वापरता येऊ शकते. वाईज स्टँपमध्ये आरएसएस फीड एंटर करून तुमच्या ब्लॉगवरील ताज्या पोस्टचे हेडिंगदेखील ई-मेल सिग्नेचरमध्ये दिसू शकते, हे याचे आणखी एक वैशिष्ट्य. याच पद्धतीने लास्ट एफएमवर तुम्ही ऐकलेले गाणे, यू ट्यूबवरील एखादा व्हिडीओ किंवा ट्विटर, फेसबुकवरील स्टेटस मेसेजसुद्धा ई-मेल सिग्नेचरमध्ये अॅड करू शकता. या सिग्नेचर एचटीएमएल फॉरमॅटमध्ये असल्याने तुम्ही त्या इतर ठिकाणीही (उदा. गुगल डॉक्स) वापरू शकता.

साधी-सोपी टेक्नॉलॉजीतले बदलः

मित्रांनो,
गेल्या वर्षभरापासून सुरू असलेल्या साधी-सोपी टेक्नॉलॉजी या ब्लॉगमध्ये तुमच्या सोयीसाठी काही बदल करत आहे. यापूर्वी या ब्लॉगसाठी मी 'अर्थेमिया' ही मूळ वर्डप्रेससाठी तयार केलेली थीम वापरत होतो. आता याच थीमचे 'मॉडिफाईड व्हर्जन' उपलब्ध झाले आहे. त्यामुळे ते वापरण्याचा प्रयत्न करत आहे. यातील काही फीचर्स (उदा. Headline) आता तरी अडचणीचे वाटत आहेत; पण त्यावर काही तरी उपाय नक्कीच सापडेल. अर्थात यातील कॅटेगरी नेव्हिगेशन आणि फीचर्ड पोस्ट्स हा प्रकार उत्तम आहे. त्यामुळे साधी-सोपी टेक्नॉलॉजीचे हे नवे रूप तुम्हाला आवडेल, अशी अपेक्षा आहे. sasotechnology@gmail.com वर तुमच्या प्रतिक्रिया जरूर कळवा.
Read the full story

सर्वसामान्य इंटरनेट युजरला इंटरनेट एक्स्प्लोअररपलीकडे कुठले ब्राऊजर असते, याची कल्पनाच नसते. e असं लिहिलेल्या आयकॉनवर क्लिक केलं की इंटरनेट सुरू होतं, अशी अनेकांची समजूत असते. पण या ब्राऊजरच्या विश्वात प्रचंड मारामारी सुरू असते, याची कल्पना तुम्हाला असेलंच. या ब्राऊजरचा प्रवास मात्र अतिशय रंजक आहे. आज इंटरनेट एक्प्लोअरर पाठोपाठ फायरफॉक्स, सफारी, अॉपेरा, क्रोमसारखे ब्राऊजर्सही वापरले जातात. पण यापुढे जाऊन केवळ सोशल नेटवर्किंगसाठी तयार केलेले फ्लॉकसारखे ब्राऊजर्सही ठराविक लोकांमध्ये लोकप्रिय आहेत. आज आपण अशाच एका ‘स्पेशल पर्पज ब्राऊजर’ची माहिती घेणार आहोत.

ब्रिटनमधील 'रॅडिकल सॉफ्ट' या कंपनीने मोझिला फायरफॉक्सचाच आधार घेत 'विझो' हे स्पेशल पर्पज ब्राऊजर विकसित केले. हळू-हळू विकसित होत या ब्राऊजरचे अॅडव्हान्स्ड व्हर्जन (विझो ३) आता उपलब्ध झाले आहे. या ब्राऊजरमध्ये असणारी सर्व वैशिष्ट्ये फायरफॉक्समध्ये आहेतच; असं प्रथमदर्शनी तुम्हाला वाटू शकतं. एका अर्थाने ते खरंही आहे; पण या ब्राऊजरची उद्दिष्टं वेगळी आहेत. फास्टर डाऊनलोड्स आणि स्मार्टर ब्राऊजिंगसाठी तयार केलेले ब्राऊजर, अशी विझोची प्रतिमा तयार करण्यात आली आहे.



एखादी फाईल डाऊनलोड करताना मूळ सर्व्हरशी मल्टिपल कनेक्शन्स एस्टॅब्लिश करून विझो डाऊनलोडचा स्पीड १० पटीने वाढवते. यामुळे डाऊनलोडिंगमध्ये जाणारा वेळ मोठ्या प्रमाणात वाचतो. या ब्राऊजरचे आणखी एक वैशिष्ट्य म्हणजे इनबिल्ट टोरेंट डाऊनलोडर. (साधी-सोपी टेक्नॉलॉजीच्या वाचकांनी ‘टोरेन्ट्स’ या विषयावर लिहिण्याची मागणी केली होती; पण या विषयावर लिहिणे अजून झाले नाही. याविषयी एक सविस्तर पोस्ट नक्की लिहीन.) तुम्ही टोरेंट क्लाएंट वापरून मोठ्या फाईल्स (सॉफ्टवेअर्स, मूव्हीज) डाऊनलोड करत असाल तर आता वेगळा टोरेंट क्लाएंट वापरायची अजिबात गरज नाही. विझोतून तुम्ही थेट टोरेंट फाईल्स डाऊनलोड करू शकता. याकरता फायर टोरेंट हा क्लाएंट या ब्राऊजरमध्येच समाविष्ट केलेला आहे. याव्यतिरिक्त फायरफॉक्ससाठी उपलब्ध असणारे अनेक लोकप्रिय अॅड-अॉन्स किंवा एक्स्टेंशन्स यात अगोदरच समाविष्ट करण्यात अाले आहेत.

सुरवातीला केवळ विंडोज अॉपरेटिंग सिस्टिमसाठी उपलब्ध असणारे हे ब्राऊजर आता मॅकिन्तोषसाठीही उपलब्ध झाले आहे. याची लिनक्स आवृत्तीही लवकरच येणार असल्याचे कंपनीने म्हटले आहे. सध्या उपलब्ध असलेली विझोची आवृत्ती खरोखर देखणी आहे. क्रोमच्या धर्तीवर यातील फीचर्सची पुनर्रचना करण्यात आल्याने हा ब्राऊजर एक वेगळाच आनंद देऊन जातो. विझो डाऊनलोड करा, वापरा आणि तुमच्या प्रतिक्रियाही अवश्य द्या.
Read the full story

अॉन-द-मूव्ह कनेक्टिव्हिटी ही संकल्पना आता भारतात लोकप्रिय होऊ लागलीये. रिलायन्स, टाटा इंडिकॉम, एअरटेल, आयडियासारख्या मोबाईल कंपन्यांची वायरलेस इंटरनेट कनेक्टिव्हिटी सेवा अनेक जण वापरत असतील. शिवाय मोबाईलवर इंटरनेट सर्फ करणाऱ्यांची संख्याही प्रचंड वेगाने वाढत आहे. का कुणास ठाऊक, पण अॉन-द-मूव्ह इंटरनेट कनेक्टिव्हिटी म्हणजे ‘डोक्याला ताप,’ अशीच अनेकांची समजूत आहे. अॉन-द-मूव्ह कनेक्ट असण्याचा प्रमुख फायदा म्हणजे तुम्ही केव्हाही एखादा महत्त्वाचा ई-मेल पाठवू शकता किंवा आलेल्या ई-मेलला उत्तर देऊ शकता. पण या कंपन्यांच्या डेटा कार्डवर विसंबून राहण्याची सोय नाही. मेलबॉक्स ओपन होण्यासच इतका वेळ लागतो, की तोपर्यंत समोरच्या माणसाला फोन करून किंवा एसएमएस करून निरोप पाठवता येऊ शकतो. एखादी फाईल पाठवायची असेल तर? डेटा कार्ड आणि हेवी अॅटॅचमेंट? फरगेट इट...बरं एखादा जुना मेल अोपन करून त्यातून काही माहिती मिळवायची असेल तर? महाराज, त्यासाठी मेलबॉक्स अोपन तर व्हायला हवा ना...आऊटलूक वापरणारे आलेले ई-मेल्स अॉफलाईन वाचू शकतात. पण जी-मेल वापरणाऱ्यांचे काय? आता जी-मेलवापरणारे देखील आपले मेल अॉफलाईन अॅक्सेस करू शकतात. जी-मेलने गेल्या आठवड्यात जी-मेल अॉफलाईन या सेवेची चाचणी सुरू केली आहे.

तुमच्या मेलबॉक्समधील सर्व कन्टेन्ट लोकल कॅश मेमरीत (Cache Memory) साठवून ठेवण्याचे काम जी-मेलतर्फे केले जाते. यासाठी ‘गुगल गिअर्स’ हे सॉफ्टवेअर वापरले जाते. गुगल अॉफलाईन अॅक्टिव्हेट केल्यानंतर तुम्ही जोपर्यंत इंटरनेटला कनेक्ट असता तोपर्यंतचे तुमचे सर्व ई-मेल्स गुगलच्या सर्व्हरशी सिंक्रोनाईझ केले जातात. तुम्ही डिसकनेक्ट झाल्यानंतर जी-मेल आपोआप अॉफलाईन मोडमध्ये जाते. या मोडमध्ये तुम्ही ई-मेल वाचू शकता, महत्त्वाच्या ई-मेल्सना स्टार मार्क करू शकता आणि लेबलही लावू शकता. ई-मेलला उत्तर देणेही शक्य होते; पण मेल पाठवता येऊ शकता नाही. तुमचे उत्तर आऊटबॉक्समध्ये सेव्ह होते व तुम्ही पुन्हा इंटरनेटला कनेक्ट झाला की, लगेच आऊटबॉक्समधील मेल पाठवले जाते. अॉफलाईन जी-मेलमधून अॅटॅच केलेल्या फाईल्स डाऊनलोड करता येत नाहीत, तसेच मेसेजेस डिलीट करता येत नाहीत. अॉफलाईन जी-मेलची अद्याप चाचणी सुरू आहे. त्यामुळे ते वापरताना काही अडचणी येऊ शकतात, असे गुगलने जी-मेलब्लॉगवर म्हटले आहे.

अॉफलाईन जी-मेल अॅक्टिव्हेट करण्यासाठीः
१. तुमच्या मेलबॉक्समध्ये वरच्या बाजूस उजव्या कोपऱ्यात असलेल्या जी-मेल लॅब्जच्या आयकॉनवर क्लिक करा. किंवा सेटिंग्जमध्ये जाऊन लॅब्ज या टॅबवर क्लिक करा.
२. आता जी-मेल अॉफलाईन हे फीचर एनेबल करा. या पेजमध्ये सर्वांत खाली सेव्ह चेंजेस असे लिहिलेले असेल. त्यावर क्लिक करा.
३. आता पुन्हा इनबॉक्समध्ये या. वरच्या बाजूस उजव्या कोपऱ्यात Offline 0.1 अशी लिंक अॅक्टिव्हेट झाली असेल. त्यावर क्लिक करून गुगल गिअर्स इन्स्टॉल करा.
४. पूर्ण इन्स्टॉलेशनसाठी तुम्हाला ब्राऊजर रिस्टार्ट करावे लागेल.
५. आता तुम्ही इंटरनेट कनेक्शन नसतानादेखील जी-मेल अॅक्सेस करू शकता.
Read the full story

काही कारणांमुळे कधी-कधी इंटरनेटचा स्पीड कमी होतो. त्यामुळे घरीही काम होत नाही आणि अॉफिसमध्येही तीच परिस्थिती होते. अशा वेळी काही ट्विक्स वापरून आपण हा स्पीड वाढवू शकतो. वास्तविक इंटरनेट सर्विस प्रोव्हायडरकडून किंवा नेटवर्क अॅडमिनिस्ट्रेटरकडून मिळणारा स्पीड वाढवता येत नाही; परंतु ही छोटी टिप वापरून आपण इंटरनेट एक्स्प्लोररचा ब्राऊजिंग स्पीड नक्कीच वाढवू शकतो.

या ट्विकमध्ये विंडोज कॉन्फिगरेशन डेटा (रजिस्ट्री) एडिट करायचा आहे. त्यात गोंधळ होण्याची शक्यता असल्याने अगोदर रजिस्ट्री बॅक-अप करून ठेवा.
रजिस्ट्री बॅक-अप करण्यासाठी:
स्टार्ट > प्रोग्राम्स > अॅक्सेसरीज > सिस्टीम टूल्स > सिस्टीम रिस्टोर
रिस्टोर पॉईंट सिलेक्ट केल्यानंतर त्याविषयीची माहिती एंटर करा असा बॉक्स ओपन होईल. नेक्स्टवर क्लिक करून पुढे जा. रिस्टोर पॉईंट तयार होईल.

रजिस्ट्री रिस्टोर करण्यासाठीः
स्टार्ट > प्रोग्राम्स > अॅक्सेसरीज > सिस्टीम टूल्स > सिस्टीम रिस्टोर
Restore my computer to an earlier time सिलेक्ट करून नेक्स्टवर क्लिक करा.
बॅक-अप घेतल्याची तारिख आणि रिस्टोर पॉईंट सिलेक्ट करून नेक्स्टवर क्लिक केल्यास रजिस्ट्री रिस्टोर होईल.

आता मुख्य टिपकडे वळूया. इंटरनेट एक्स्प्लोररकडून दोन स्ट्रीमद्वारे डेटा फेच केला जातो. आपण या स्ट्रीमची संख्या दोनवरून सहावर नेणार आहोत. यामुळे तुम्ही वेगाने ब्राऊजिंग करू शकाल. त्यासाठी पुढील स्टेप्स फॉलो कराः
१. स्टार्ट > रन
२. regedit टाईप करून अोकेवर क्लिक करा


३. नव्याने ओपन झालेल्या विंडोमध्ये डाव्या बाजूस HKEY_CURRENT_USER\Software\Microsoft\Windows\CurrentVersion\Internet Settings मध्ये जा.
४. त्यासमोर उजव्या भागात MaxConnectionsPerServer आणि MaxConnectionsPer1_0Server शोधा.
५. त्यावर राईट क्लिक करून मॉडिफायवर क्लिक करा. आता डेसिमल सिलेक्ट करून व्हॅल्यू फील्डमध्ये ६ एंटर करा. MaxConnectionsPerServer आणि MaxConnectionsPer1_0Server साठी ही प्रोसेस फॉलो करा.
६. या दोन व्हॅल्यूज (MaxConnectionsPerServer आणि MaxConnectionsPer1_0Server) सापडल्या नाहीत तर उजव्या भागातील व्हाईट पोर्शनमध्ये राईट क्लिक करून NEW > DWORD सिलेक्ट करा. या नव्या DWORD व्हॅल्यूचे नाव MaxConnectionsPerServer असे देऊन एंटर करा. ही स्टेप रिपीट करून MaxConnectionsPer1_0Server अशा नावाने आणखी एक DWORD व्हॅल्यू तयार करा.


७. आता स्टेप ५ मध्ये सांगितल्याप्रमाणे या व्हॅल्यूज मॉडिफाय करा.


८. regedit बंद करून सिस्टीम रिस्टार्ट करा.

हे बदल करण्यापूवर्वी एखादी साईट ओपन होण्यासाठी किती वेळ लागतो, हे नोंदवून ठेवा. Cache क्लिअर करून बदल केल्यानंतर तीच साईट ओपन होण्यास किती वेळ लागतो हे पाहा.

आपला अनुभव अवश्य कळवा.
Read the full story

नव्या साईट्स, नव्या अॉनलाईन सेवा, नवी सॉफ्टवेअर्स, टेक्नॉलॉजी टिप्स आदींसाठी साधी-सोपी टेक्नॉलॉजीला नियमित भेट देणाऱ्या वाचकांसाठी आणखी एक नवे टूल - SasoQuick टूलबार. इंटरनेट एक्स्प्लोअरर आणि फायरफॉक्ससाठी तयार केलेला साधी-सोपी टेक्नॉलॉजीचा हा कस्टमाईज्ड टूलबार. SasoQuick इन्स्टॉल केल्यानंतर त्यातून तुम्ही गुगल वेब आणि इमेज सर्च, साईट सर्च यासह एनसायक्लोपेडिया, डिक्शनरी, न्यूज, सॉफ्टवेअर, ई-बे आदी साईट सर्च करू शकता. याखेरीज साधी-सोपी टेक्नॉलॉजीवरील ताज्या आणि सरत्या आठवड्यातील टॉप फाईव्ह पोस्टही वाचू शकता. या टूलबारचे अाणखी एक वैशिष्ट्य म्हणजे याद्वारे तुम्ही साधी-सोपी टेक्नॉलॉजीच्या इतर वाचकांशी चॅटही करू शकता. टेक्नॉलॉजी विषयातील ताज्या बातम्याही तुम्हाला या टूलबारमध्येच वाचता येतील. Conduit ही सेवा वापरून हा टूलबार तयार केला असून तुम्हीदेखील तुमच्या साईट अथवा ब्लॉगसाठी असा टूलबार तयार करू शकता.
SasoQuick टूलबार डाऊनलोड करण्यासाठी येथे क्लिक करा.
हा टूलबार इतरांशी शेअर करण्यासाठी येथे क्लिक करा. Read the full story

तुमचा माहितीचा प्राथमिक स्रोत कोणता, असे विचारल्यास आज १० पैकी आठ जण इंटरनेट असेच उत्तर देतील. आपण दररोज किमान पाच-पन्नास साईट्सना नक्कीच भेट देत असू. एखाद्या साईटवर असलेल्या लिंक्स इंटरेस्टिंग वाटल्या तर तेथेही जाऊन आपण अधिक माहिती मिळवण्याचा प्रयत्न करतो. काही साईट्स आणि ब्लॉग्जवर तर अशा रिलेटेड पोस्ट्स आणि साईट्सचा खजिनाच दडलेला असतो. या पद्धतीने माहिती गोळा करताना मूळ साईटवरून इतके भरकटायला होते, की आपण काय वाचत होतो, हेच लक्षात राहत नाही. शिवाय अनेक लिंक्स क्लिक केल्यामुळे विंडोज (किंवा टॅब्ज)ची गर्दी होते. मोठ्या अपेक्षा ठेवून क्लिक केलेल्या लिंक बऱ्याच वेळा अपेक्षाभंग करतात. त्यामुळे आपला वेळही वाया जातो. त्या लिंकवर नेमकं काय आहे, याचा क्लू मिळाला तर?

इंटरक्लू हे फायरफॉक्सचे एक्स्टेंशन वापरून तुम्ही तुमची सर्फिंग प्रॉडक्टिव्हिटी वाढवू शकता. इंटरक्लू तुम्हाला लिंकचे टीझर किंवा ट्रेलर दाखवते. कसे ते सांगतो. इंटरक्लू इन्स्टॉल केल्यानंतर तुम्ही जेव्हा एखाद्या साईटला भेट द्याल (उदा. न्यूयॉर्क टाईम्स) तेव्हा हायपरलिंक केलेल्या प्रत्येक इलेमेंटचे ट्रेलर तुम्हाला पाहता येईल. संबंधित लिंकवर माऊस पॉईंट केल्यानंतर काही मिलिसेकंदात त्यासमोर इंटरक्लूचा किंवा त्या साईटचा फेव्ह-आयकॉन दिसायला लागेल. या आयकॉनवर क्लिक केल्यानंतर मूळ विंडोत एक छोटी विंडो ओपन होईल व त्या लिंकवर काय आहे याची थोडक्यात माहिती पाहावयास मिळेल. त्यानंतर तुम्ही संबंधित लिंकवर जायचे किंवा नाही, हे ठरवू शकता.

इंटरक्लू टेक्स्ट, व्हिडीओ, पीडीएफ, इमेजेस आदी सगळ्यांचे ट्रेलर तुम्हास दाखवू शकतो. तसेच इंटरक्लूच्या छोट्या विंडोतून तुम्ही संबंधित लिंक फेव्हरेटमध्ये अॅड करू शकता, ई-मेल करू शकता, कॉपी करून घेऊ शकता, डिग, न्यूजव्हाईन, डेलिशियस किंवा फेसबुकवर पोस्ट करू शकता आणि प्रिंटही करू शकता. या छोट्या विंडोचा आकार कमी-जास्त करण्यापासून ते लिंकचे स्टॅटिस्टिक्स डिस्प्ले करण्यापर्यंत अनेक कस्टमायजेशन्स तुम्ही यात करू शकता. त्यासाठी इंटरक्लूच्या सेटिंग्ज पाहा. थोडक्यात काय तर, मस्ट हॅव, असे हे एक्स्टेंशन आहे.
इंटरक्लू इन्स्टॉल करण्यासाठी येथे क्लिक करा.
Read the full story

सर्फिंगसाठी तुम्ही इंटरनेट एक्स्प्लोअरर वापरता की नव्याने लॉंच झालेले गुगल क्रोम? ब्राऊजरमधील साधी-सोपी फीचर्स आणि वापरण्यातील सहजता यावरून आपण नकळत कोणत्या ना कोणत्या ब्राऊजरचे फॅन होतो. अॅड-अॉन्स किंवा एक्स्टेंशन्सच्या सोयीमुळे मला अजूनही फायरफॉक्स आवडते, तर माझा मित्र अॅड-अॉन्सला कंटाळून गुगल क्रोमचा फॅन झाला आहे. ब्राऊजरप्रमाणेज आपण सर्च इंजिन्सचेदेखील फॅन होतो. आता तुम्हाला लक्षात येईल की तुम्ही फायरफॉक्सवर गुगल सर्च अधिक वापरता किंवा इंटरनेट एक्स्प्लोअररवर एमएसएन (किंवा विंडोज लाईव्ह) सर्च अधिक वापरता. कल्पना करा की तुम्हाला तुमच्या आवडत्या ब्राऊजरच्या नावानेच सर्च इंजिन मिळाले तर?

जगातील सुमारे ४९ टक्के वेबसर्फर्स इंटरनेट एक्स्प्लोअरर (आयई ६, आयई ७ आणि आयई ८) वापरतात. त्याखालोखाल म्हणजे सुमारे ४३ टक्के लोक फायरफॉक्स वापरतात. नुकतेच लॉंच झालेले गुगल क्रोम वेगाने लोकप्रिय होत असून अल्पावधीतच त्याने सुमारे ३ टक्के हिस्सा काबीज केला आहे. उरलेल्या पाच टक्क्यांत सफारी, अॉपेरा आणि इतर ब्राऊजर्सचा समावेश होतो. हीच बाब सर्च इंजिनच्या बाबतीत आहे. येथील सुमारे ७२ टक्के हिस्सा गुगलकडे अाहे. त्यापाठोपाठ याहू (१८ टक्के), एमएसएन (५ टक्के) आणि इतर सर्च इंजिन्सचा क्रमांक लागतो.





झुगो लिमिटेड या कंपनीने ब्राऊजर बेस्ड सर्चची व्याख्या बदलून टाकण्याच्या दिशेने पहिले पाऊल टाकले आहे. ब्राऊजरच्या नावाने इंटिग्रेटेड सर्च इंटरफेस तयार करण्यासाठी झुगोने आस्क डॉट कॉमशी करार केला. झुगोने फायरफॉक्ससाठी फायरसर्च आणि इंटरनेट एक्स्प्लोअररसाठी आयईसर्च या दोन सेवा तयार केल्या आहेत. या दोन्ही साईटचा इंटरफेस अत्यंत साधा-सोपा आणि गुगलशी मिळता-जुळता आहे. सर्च हे एकमेव उद्दिष्ट ठेवल्याने या सेवा वापरण्यायोग्य आहेत. सर्च इंजिनच्या स्पर्धेत आस्क डॉट कॉम तळाशी असले तरी त्यांची सेवा उत्तम आहे. त्यामुळे मिळणाऱ्या रिझल्ट्समुळे तुमचे समाधान नक्कीच होईल. तुम्हाला गुगलशिवाय जमतच नसेल तर ही सेवा रूचणार नाही. पण गुगलचा कंटाळा आला असेल तर ही ब्राऊजर इंटिग्रेटेड सर्च सेवा वापरून पाहण्यास हरकत नाही.

आस्क डॉट कॉमबद्दल थोडेसेः आस्क डॉट कॉमची तुम्हाला माहिती नसल्यास एकदा अवश्य भेट देऊन पाहा. गेल्या काही महिन्यांत आस्क डॉट कॉमने त्यांच्या इंटरफेसमध्ये भरपूर बदल केले आहेत. सर्च इंजिनला पर्सनलाईज्ड लूक देण्याचा त्यांनी प्रयत्न केलेला आहे. अास्कच्या होमपेजवर तुम्ही तुमचा फोटोही बॅकग्राऊंड इमेज (स्किन) म्हणून सेव्ह करू शकता.
याविषयी अधिक माहितीसाठी येथे क्लिक करा.
Read the full story

आजचा सबंध दिवस महाराष्ट्रातील लोक राज ठाकरेंकडे लक्ष ठेवून होते. पहाटे अडीच वाजता राज ठाकरेंना रत्नागिरीत अटक झाल्यानंतर दुपारी वांद्र्याच्या कोटर्टात आणले. त्यांच्यावर दाखल करण्यात अालेल्या विविध गुन्ह्यांत एका कोटर्टाने त्यांना जामीन दिला, तर एका कोटर्टाने नाकारला. त्यामुळे अगोदरच धास्तावलेले सर्वसामान्य लोक दिवसभर न्यूज चॅनेल्स आणि वेबसाईट्सवर नजर ठेवून होते. साधी-सोपी टेक्नॉलॉजीवर अचानक राज ठाकरे कसे अवतरले? हा ब्लॉग कोणी हॅक तर नाही ना केला?

नाही. साधी-सोपी टेक्नॉलॉजी सुरक्षित आहे. केवळ एका नव्या अॉनलाईन सेवेची माहिती करून देण्यासाठी साधी-सोपी टेक्नॉलॉजीवर राज ठाकरेंच्या अटकेचे उदाहरण घेतले आहे. काही प्रसंगी आपण वेबसाईट्सला अगदी चिकटून बसतो. १०-१० सेकंदांनी वेबसाईट रिफ्रेश करतो. कारण सतत काही ना काही अपडेट मिळत असतात. पण सतत रिफ्रेश करणं म्हणजे...काही वेळाने कंटाळा यायला लागतो आणि नेमक्या तेवढ्याच वेळात काहीतरी महत्त्वाची घटना घडते. क्रिकेट स्कोअर देणाऱ्या साईट्समध्ये अॉटो रिफ्रेशची सोय असते. बऱ्याच ब्राऊजरमध्येही अॉटो-रिफ्रेशची सोय असते. नसल्यास तसे प्लग-इन्स किंवा अॅड-अॉन्स असतात. उदा. फायरफॉक्ससाठी रिलोड एव्हरी हे अॅड-अॉन उपलब्ध आहे. पण अशी अॅड-अॉन्स वापरल्यामुळे ब्राऊजरमधील सर्व साईट्स सतत रिफ्रेश होत राहतात. याची आपल्याला गरज नसते. केवळ न्यूज साईट्स किंवा सतत अपडेट होणाऱ्या साईट्स रिफ्रेश व्हाव्यात, ही आपली गरज असते. त्यावेळी तुम्ही साईट रिलोडर ही अॉनलाईन सेवा वापरू शकता.




साईट रिलोडरमध्ये तुम्हाला हव्या त्या साईट्सची यादी तुम्ही तयार करून ठेवू शकता. साईट रिलोडरवर साईन इन होण्यासाठी तुम्ही गुगलचे अकाऊंट वापरू शकता. साईन इन झाल्यानंतर तुम्ही हव्या त्या साईटची यादी तयार करून सेव्ह करू शकता. साईट रिलोडर वापरण्यापूवर्वी पॉप-अप ब्लॉकर डिअॅक्टिव्हेट करावे लागेल किंवा अॉल्वेज अलो पॉप-अप्स फ्रॉम साईट रिलोडर असा अॉप्शन वापरावा लागेल. एखादी साईट किती वेळाने रिफ्रेश व्हावी, यासाठी तुम्ही पाच सेकंदांपासून ३० मिनिटांपर्यंतचा पयर्याय निवडू शकता.
Read the full story

Web 18 च्या In.com या नव्या पोर्टलच्या जाहिराती तुम्ही सध्या पाहत असाल. टेलिव्हिजन आणि अॉनलाईन मीडियातून या पोर्टलचे जोरदार प्रमोशन सुरू आहे. अॉडिओ, व्हिडीओ, गेम्स, मेल, न्यूज, सर्च अशा सर्व गोष्टी एका ठिकाणी आणून अधिकाधिक लोकांच्या जवळ जाण्याचा In.com चा प्रयत्न दिसतोय. असो. ही साईट एक्स्प्लोअर करताना मला आजच्या पोस्टचा विषय सुचला. तो म्हणजे स्ट्रिमिंग रेकॉर्डरचा - अथर्थात अॉनलाईन प्ले होणारे गाणे रेकॉर्ड करून एमपीथ्री किंवा इतर फॉरमॅटमध्ये सेव्ह करणारी सेवा (किंवा अॅप्लीकेशन).

यापूवर्वीच्या एका पोस्टमध्येमी गाणी डाऊनलोड न करता अॉनलाईन एेकण्याबद्दल (वाचा - नवे धोरणः एेका आणि विसरा) माहिती दिली होती. काही वेळा एखादे गाणे आपल्याला डाऊनलोड करून हवे असते किंवा त्याचा दुसरीकडे कुठेतरी वापर करावयाचा असतो. त्यासाठी संबंधित गाण्याची एमपीथ्री फाईल आपल्याजवळ असावी लागते. काही वेळा एखाद्या व्हिडिओमधील विशिष्ट म्युझिक पीस आपल्याला हवा असतो आणि तो व्हिडिओ डाऊनलोडेबल नसतो. अशा वेळी अॉनलाईन प्ले होणारा कोणताही आवाज रेकॉर्ड करणाऱ्या दोन सेवा आपण वापरू शकतो.

फ्रीकॉर्डर टूलबारः


याहू किंवा गुगल टूलबारप्रमाणे फ्रीकॉर्डर टूलबार फॉर्ममध्ये उपलब्ध आहे. फ्रीकॉर्डर टूलबार विंडोजच्या सर्व व्हर्जन्सवर (व्हिस्टासह) इंटरनेट एक्स्प्लोअरर आणि फायरफॉक्स या ब्राऊजरमध्ये वापरता येऊ शकतो. साऊंडकार्डच्या साह्याने फ्रीकॉर्डर स्ट्रिमिंग साऊंड्स रेकॉर्ड करण्याचे काम करतो. मायक्रोफोन आणि लाईन-इन इनपुट वापरूनही रेकॉर्ड करणे शक्य आहे. फ्रीकॉर्डर टूलबार इन्स्टॉल केल्यानंतर सेटिंग्जमध्ये जाऊन रेकॉर्डिंग सोर्स सिलेक्ट करा.



या ठिकाणी Record From Freecorder Audio Driver हा अॉप्शन डिफॉल्ट सेट केलेला असेल. हा अॉप्शन वापरून तुमच्या स्पीकरमधून येणारा कोणताही आवाज तुम्ही रेकॉर्ड करू शकता. इतर सोर्स वापरायचे असल्यास हा अॉप्शन डिसिलेक्ट करून इतर दोन अॉप्शन्सपैकी एक सिलेक्ट करू शकता. त्यानंतर अाऊटपूट फॉरमॅट (एमपीथ्री किंवा डब्लूएव्ही) आणि डेस्टिनेशन आदी अॉप्शन्स निवडा. आता तुम्ही एखादे गाणे स्ट्रीम करून रेकॉर्डवर क्लिक करा. साऊंड म्यूट करूनही तुम्ही गाणे रेकॉर्ड करू शकता. स्टॉप म्हटल्यावर निवडलेल्या फॉरमॅटमध्ये फाईल सेव्ह होईल.

फ्रीकॉर्डर टूलबार डाऊनलोड करण्यासाठी येथे क्लिक करा.

एमपीथ्री माय एमपीथ्री रेकॉर्डरः



ब्राऊजरबेस्ड रेकॉर्डर नको असल्यास किंवा ब्राऊजरमध्ये टूलबार्सची गदर्दी नको असल्यास तुम्ही डेस्कटॉप अॅप्लीकेशन वापरू शकता. स्ट्रिमिंग साऊंड्स रेकॉर्ड करण्यासाठी एमपीथ्री माय एमपीथ्री रेकॉर्डरचा वापर करता येतो. तथापि, गाणे रेकॉर्ड करताना साऊंड म्यूट करता येत नाही. स्ट्रिमिंग साऊंड रेकॉर्ड करण्यापूर्वी सोर्स सेटिंग्जमध्ये जाऊन स्टिरिओ मिक्स हा अॉप्शन सिलेक्ट करा. रेकॉर्डिंग संपल्यावर स्टॉपवर क्लिक करा. आता तुम्ही रेकॉर्डेड साऊंड एमपीथ्री किंवा डब्लूएव्ही फॉरमॅटमध्ये सेव्ह करू शकता.

एमपीथ्री माय एमपीथ्री रेकॉर्डर डाऊनलोड करण्यासाठी येथे क्लिक करा.
Read the full story

सवयीने आपण रोज काही निवडक साईट्सना भेट देत असतो. यापैकी एखादी साईट कधी डाऊन असेल तर आपल्यालाच अस्वस्थता येते. आता सुरू झाली असेल, असे म्हणत आपण दर पाच मिनिटांनी ती साईट रिफ्रेश करून पाहतो. मग शंका येते की आपल्याच कनेक्शनमध्ये काही गडबड तर नाही? मी अगोदरच्या एका पोस्टमध्ये डाऊन फॉर एव्हरीवन अॉर जस्ट मी डॉट कॉम या सेवेबद्दल माहिती दिली होती. त्याचा वापर करून समजू शकते की साईटला प्रॉब्लेम आहे, नेटवर्कला नाही. आता काय करायचं? साईट केव्हा सुरू होईल, ही अस्वस्थता काही केल्या जात नाही.



ही अस्वस्थता बाजूला ठेवून शांतपणे तुमचे काम सुरू ठेवा. इतर साईट्स सर्फ करा. तुम्हाला साईट अप झाल्याचा अलर्ट देण्याची व्यवस्था मिस्टर अपटाईमने केलेली आहे. होय. मि. अपटाईम हे फायरफॉक्स एक्स्टेंशन वापरून तुम्ही डाऊन असलेल्या साईट्सवर नजर ठेवू शकता. मि. अपटाईम हे एक्स्टेंशन फायरफॉक्स २.० आणि त्यापुढच्या व्हर्जनवर रन करता येते. फायरफॉक्स ३.० साठीचे व्हर्जन अद्याप रिलीज झालेले नाही. एखादी साईट डाऊन असेल तर सहसा 404 Not Found असा मेसेज येतो. याला एचटीटीपी स्टेटस कोड असे म्हणतात. 404 प्रमाणे 200 हा कोड साईट ओके असताना वापरला जातो. मि. अपटाईम या स्टेटस कोडचा आधार घेऊन आपल्याला साईट अप झाल्याचा अलर्ट देतो. एखाद्या साईटवर वेगळा एरर मेसेज येत असेल तर त्यातील काही कीवडर्ड्स वापरून तुम्ही ते मि. अपटाईममध्ये स्टोअर करू शकता. म्हणजे त्या साईटवरून तो कीवर्ड नाहीसा झाला की साईट अप झाल्याचा अलर्ट तुम्हाला मिळेल. मि. अपटाईम पहिल्या ६० मिनिटांत दर पाच मिनिटाला साईट ट्रॅक करतो. त्यापुढील १२० मिनिटांत दर दहा मिनिटांस, त्यानंतरच्या १८० मिनिटांत दर पंधरा मिनिटांस, त्यापुढील २४० मिनिटांत दर अध्यर्ध्या तासास आणि त्यानंतर दर तासास साईट ट्रॅक करतो. किती वेळ साईट ट्रॅकिंग सुरू ठेवायचे आहे, हे तुम्ही ठरवू शकता. फायरफॉक्स ओपन असेपर्यंत मि. अपटाईमचे ट्रॅकिंग सुरू राहते. मि. अपटाईम वापरण्यास संपूर्ण सुरक्षित अाहे.
Read the full story

गुगलच्या क्रोम या नव्या ब्राऊजरबद्दल तुम्ही एव्हाना एेकले किंवा वाचले असेल. विंडोज अॉपरेटिंग सिस्टिम वापरणाऱ्यांनी तर ते वापरूनदेखील पाहिले असेल. गुगल क्रोम लॉंच होऊन आज चार दिवस झाले. माझ्याकडे अॅपल मॅकबुक असल्याने मी अद्याप ते वापरू शकलेलो नाही. मॅकिन्तोश आणि लिनक्ससाठीचे व्हर्जन लवकरात लवकर लॉंच करणार असल्याचे गुगलने कन्फर्म केले आहे. माझ्या ज्या सहकाऱ्यांनी क्रोम वापरून पाहिले आहे, त्यातील बहुतेक सवर्वांच्या पसंतीस ते खरे उतरले आहे. बहुतांश ब्लॉगर्सनेदेखील क्रोमचे भरभरून कौतुक केले आहे. क्रोमच्या बीटा लॉंचमुळे ब्राऊजरमधील स्पधर्धा अधिकच तीव्र होणार, हे स्पष्ट आहे. क्रोमची थेट स्पर्धा इंटरनेट एक्स्प्लोअरर आणि मोझिला फायरफॉक्सशी असेल. वेबसर्फरला कमीत कमी कष्टांत अधिक सोयी मिळतील याचा विचार करून सुधारित फायरफॉक्स ३ नुकतेच लॉंच झाले आहे. मायक्रोसॉफ्टनेही इंटरनेट एक्स्प्लोएरर ८ चे बीटा व्हर्जन बाजारात आणले आहे. स्पीड आणि मेमरी युसेज या निकषांवर क्रोम या दोन्ही ब्राऊजर्सना मागे टाकत असल्याचे विविध ब्लॉगर्सने केलेल्या चाचण्यांवरून पुढे आले आहे.



बीटा लॉंच असल्यामुळे अनेक प्रोफेशनल टेक्नॉलॉजी ब्लॉगर्स आणि मीडिया रायटर्स याविषयी उघड भाष्य करीत नाहीयेत. विविध ब्लॉगवर क्रोमबाबत सुरू असलेली चचर्चा अशीः
- विविध अॅड-अॉन्स किंवा एक्स्टेंशन्समुळे फायरफॉक्स आघाडीवर राहण्याची शक्यता आहे.
जगातील सुमारे ८० टक्के वेबसर्फर्स इंटरनेट एक्स्प्लोअरर वापरतात. या सगळ्यांना आपल्याकडे खेचून घेण्यास गुगल क्रोमला निश्चितंच काही कालावधी लागणार. गुगलने सर्च इंजिनच्या स्पधर्धेत याहूला ज्या पद्धतीने आणि ज्या वेगाने मागे टाकले, त्याची पुनरावृत्ती होण्याची शक्यता नाकारता येत नाही.

-बॅक टू बेसिक्स अशा प्रकारचे साधे-सोपे ब्राऊजर असल्याने अधिक वेगाने लोकप्रिय होण्याची शक्यता.
सर्वसामान्य वेबयुजरच्या प्रत्येक टप्प्यावर अापली गरज निमर्माण करणाऱ्या गुगलतफर्फे लवकरच मोबाईल अॉपरेटिंग सिस्टिम (अॅंड्रॉईड) लॉंच केली जाणार आहे. अॅंड्रॉईडच्या माध्यमातून क्रोम अधिक लोकप्रिय होण्याची शक्यता आहे. त्यामुळे आयफोनलाही धोका संभावतो.

-वेबसर्फरसाठीचे प्रायमरी ब्राऊजर होण्यासाठी अतिशय सिंपल इंटरफेस ही क्रोमची ताकद ठरू शकते आणि त्यापासूनच सवर्वांत मोठा धोकाही संभावतो. First Impression कितीही चांगले असले तरी प्रायमरी ब्राऊजर होण्याइतपत पॉवरफुल फीचर्स गुगल क्रोमच्या बीटा व्हर्जनमध्ये नाहीत.

-हीच बाब टूलबारसाठीही लागू पडते. टूलबार असणे सोयीचे की नसणे, हे फायनल व्हर्जनमध्ये आपल्याला कळेल.

-गुगल क्रोमची जी वैशिष्ट्ये गुगलने हायलाईट केली आहेत त्यातील बहुतेक सर्व वैशिष्ट्ये विविध एक्स्टेंशन्सच्या रूपाने फायरफॉक्समध्ये उपलब्ध आहेत. लाईफहॅकरने याविषयी सविस्तर माहिती दिलेली आहे.

गुगल क्रोमबद्दल आणखीही बरेच लिहिले जाईल, टीका होईल, अडचणी समोर येतील. पण एक गोष्ट आपण लक्षात ठेवली पाहिजे की हे बीटा व्हर्जन आहे. त्यामुळे अंतिम व्हर्जन येईपर्यंत ‘क्रोम शांती क्रोम’ एवढेच आपण म्हणू शकतो.
तुमचे गुगल क्रोमबाबत काय मत आहे?
Read the full story

इंटरनेटवर शेकडो रेडिओ स्टेशन्स एेकता येतात. यातील अधिकांश स्टेशन्स परदेशी आहेत. आपल्याकडील बहुतांश लोक पाश्चात्य संगीतापेक्षा भारतीय संगीत एेकणे अधिक पसंत करतात. अशा लोकांचा कल जुनी गाणी किंवा लोकल एफएम स्टेशन एेकण्याकडे असतो. दुर्दैव असं की, भारतातील विविध शहरांतून प्रसारित केली जाणारी सर्व एफएम स्टेशन्स अॉनलाईन उपलब्ध नाहीयेत. काही निवडक स्टेशन्स मात्र अॉनलाईन एेकता येतात. रेडिओ टाईम या साईटवर जाऊन तुम्ही भारतासह जगातील कोणत्याही देशातील, कोणत्याही शहरातील रेडिओ स्टेशन एेकू शकता.

रेडिओटाईमवर जाऊन तुम्ही हवा तो खंड, देश, राज्य आणि शहर सिलेक्ट करून तेथे उपलब्ध असलेल्या रेडिओ स्टेशन्सची माहिती पाहू शकता. स्ट्रीमिंगची सुविधा देणारी रेडिओस्टेशन्स तुम्ही थेट ब्राऊजरमध्येच एेकू शकता.



रेडिओटाईमसारख्या अनेक सुविधा इंटरनेटवर उपलब्ध आहेत. त्यातील अनेक सुविधा मी वापरूनदेखील पाहिल्या आहेत. पण रेडिओटाईम ही सर्वांत सोपी आणि हमखास रिझल्ट्स देणारी सुविधा आहे.

रेडिओ एेकण्याचा आणखी एक सोपा मार्गः
तुम्ही जी-टॉक (जी-मेल चॅट नव्हे) वापरत असाल तर तुम्ही त्यातंच पॅरिसहून प्रसारित होणारा रेडिओ तीन ताल एेकू शकता. त्यासाठी पुढील स्टेप्स फॉलो कराः
१. जी-टॉकमध्ये जाऊन service@gtalk2voip.com हा अॅड्रेस फ्रेंड म्हणून अॅड करा
२. त्यानंतर 110@radio.gtalk2voip.com हाही अॅड्रेस फ्रेंड म्हणून अॅड करा.
३. काही क्षणांनंतर दुसऱ्या अॅड्रेसवर कॉल करा.
४. तुम्ही रेडिओ तीन तालला कनेक्ट व्हाल.
Read the full story

फाईल शेअरिंगसाठी आपण शक्यतो एफटीपी (फाईल ट्रान्स्फर प्रोटोकॉल) वापरतो. पण एफटीपीचा वापर केवळ फाईल ट्रान्स्फर करणं शक्य होतं. शिवाय फाईल ट्रान्स्फर करण्यासाठी एफटीपी क्लाएंट लागतो, फाईल ट्रान्स्फर केल्यानंतर ई-मेल करून संबंधितांना सांगावं लागतं, फाईलसोबत काही मेसेजेस द्यायचे असतील तर ते देता येत नाहीत. थोडक्यात काय, तर एफटीपी म्हणजे राज्य मार्ग परिवहन मंडळाची बस - अर्थात लाल डबा. फाईल ट्रान्स्फर शंभर टक्के होणार - पण मूल्यवर्धित सेवांशिवाय. मस्त एअरकंडिशन्ड वातावरणात चित्रपट आणि संगीताचा आस्वाद घेत, खड्ड्यांची काळजी न करता केलेला आणि तितकाच सुरक्षित प्रवास करायचा असेल तर तुम्ही ड्रॉप आयओ ही नव्याने सुरू झालेली वापरायला हवी.

व्हॅल्यू अॅडेड अॅंड हॅसल फ्री फाईल ट्रान्स्फर किंवा फाईल ट्रान्स्फर २.० असे ड्रॉपआयओचे वर्णन करता येईल. तुम्ही म्हणाल की मी या सेवेची एवढी स्तुती का करतोय. वापरून पाहिल्यानंतर तुम्हीही माझ्या मताशी सहमत व्हाल, याची मला खात्री आहे. अगदी ४ सोप्या स्टेप्समध्ये तुम्ही ड्रॉप आयओ वापरण्यास सुरूवात करू शकता. ड्रॉपआयओ तुमच्यासाठी एक स्वतंत्र स्पेस तयार करते. या स्पेसचा वापर करून तुम्ही फोटो, व्हिडीओ, अॉडिओ, डॉक्युमेंट्स आणि इतर सर्व प्रकारच्या फाईल्स स्टोअर करून शेअर करू शकता. या स्वतंत्र स्पेसला ड्रॉप असे नाव दिले आहे. एक व्यक्ती असे कितीही ड्रॉप्स तयार करू शकते. प्रत्येक ड्रॉपवर तुम्ही १०० एमबी एवढा डेटा स्टोअर करू शकता. ड्रॉप तयार केल्यानंतर त्या नावाने एक ई-मेल अॅड्रेस आणि फोन नंबर जनरेट केला जातो. त्यानंतर या ई-मेल अॅड्रेस आणि फोनचा वापर करून तुम्ही नव्या फाईल्स अपलोड करू शकता. ड्रॉपआयओचा वापर करून तुम्ही फॅक्स पाठवू आणि मिळवू शकता.



ड्रॉपआयओच्या माध्यमातून तुम्ही इतरांसोबत तुमचा ड्रॉप शेअर करू शकता आणि संबंधित व्यक्तींना त्याच ड्रॉपमध्ये फाईल अॅड करण्याची परवानगीदेखील देऊ शकता. तुमच्या ड्रॉपवर एखादी नवी फाईल अपलोड झाल्यानंतर तुम्हाला ई-मेल, एसएमएस (केवळ अमेरिकेतील मोबाईल ग्राहकांसाठी) आणि ट्विटर अलर्टही मिळतात. ड्रॉपआयओवरील फाईल्स सुरक्षित राहतील, याची पुरेपूर काळजी कंपनीने घेतली असून यावरील फाईल्स कोणत्याही सर्च इंजिनवर डिस्प्ले होत नाहीत.
ड्रॉपआयओचे फायरफॉक्स एक्स्टेंशन वापरूनदेखील तुम्ही फाईल शेअर करू शकता.
याहून अधिक स्टोरेज स्पेस आणि आणखी सुविधा हव्या असतील तर तुम्ही तुमचे ड्रॉपआयओ अकाऊंट अपग्रेडही करू शकता. साधारण एक जीबी स्पेस एका वर्षासाठी हवी असेल तर केवळ १० डॉलरमध्ये तुम्ही ती मिळवू शकता.
Read the full story

जी-मेल सर्चचा किती उपयोग होतो हे तुम्हाला एव्हाना लक्षात आलं असेलंच. जी-मेलद्वारे दिल्या जाणाऱ्या भल्या मोठ्या स्पेसमुळे आपण शक्यतो मेल डिलीट करण्याच्या भानगडीत पडत नाही आणि त्यामुळे जुना मेल सर्च करण्यासाठी ढिगारा उपसावा लागतो. गुगलने मेल सर्च करण्यासाठी विविध सर्च अॉपरेटर्स दिले असले तरी ते लक्षात ठेवणे आणि योग्य वेळी त्याचा वापर करणे शक्य होईल असे नसते. काही वेळा आपल्याला साधारण तारखेचा अंदाज असतो. त्यावेळी after:2008/5/11 before:2008/5/18 अशा ठराविक पद्धतीने सर्च देणे नाही म्हटले तरी कठीणच जाते. त्याएेवजी 'सर्च बाय डेट' असे एखादे बटन तयार केले तर?



ग्रीसमंकी स्क्रिप्ट वापरून सर्च बाय डेटचे स्वतंत्र बटन तयार करणे शक्य आहे. हे एक्स्टेंशन फायरफॉक्स वापरणाऱ्यांसाठी आहे. सर्वप्रथम ग्रीसमंकी स्क्रिप्ट इन्स्टॉल करा. आता Gmail Date Search User Script इन्स्टॉल करा. फायरफॉक्स रिस्टार्ट केल्यानंतर तुमच्या सर्च बॉक्ससमोर 'सर्च मेल' आणि 'सर्च द वेब'समोर 'सर्च बाय डेट' असे तिसरे बटन दिसू लागेल. आता तुम्ही केवळ तारीख (उदा. 5/11 किंवा 5/18) एंटर करून सर्च बाय डेटवर क्लिक करा. त्या तारखेला आलेले मेल डिस्प्ले होतील. वेळ वाचवण्यासाठी हे एक्स्टेंशन अत्यंत उपयोगी ठरते.
Read the full story

काही वेळा आपण एखाद्या साईटमध्ये किंवा एखाद्या डॉक्युमेंटमध्ये वापरण्यासाठी महत्प्रयासाने शोधलेली इमेज सेव्ह करायला जातो आणि Right-Click Function Disabled! असा मेसेज येतो. अशा वेळी त्या साईटला आणि साईट अॅडमिनिस्ट्रेटरचा उद्धार करून आपण पुन्हा एकदा शोधप्रक्रिया सुरू करतो. इमेज सापडते, पण याला त्या इमेजची सर नाही, असे म्हणत नाईलाजाने ती इमेज वापरावी लागते. अशा वेळी जावास्क्रिप्टची एक ओळ वापरून ‘रॉंग’ वेने तुम्ही ‘राईट’-क्लिक करू एनेबल करू शकता.

राईट-क्लिक फंक्शन डिसेबल करण्यासाठी साईट अॅडमिनिस्ट्रेटर जावास्क्रिप्टचा वापर करतात. सर्वसामान्य वेब यूजरना राईट-क्लिक करून इमेज सेव्ह करण्याची सवय असते. त्यामुळे राईट-क्लिक डिसेबल्ड असा मेसेज आल्यानंतर इमेज सेव्ह करण्याचे सर्व मार्ग संपले, असे म्हणून ते त्यापासून दूर जातात. बऱ्याच साईट्स सुरक्षिततेसाठी राईट-क्लिक डिसेबल करतात किंवा त्यांनी सदर इमेजेस अधिकृतरित्या विक्रीस ठेवालेल्या असतात. त्यामुळे ज्यांना त्या वापरायच्या आहेत त्यांनी त्या अॉनलाईन विकत घ्याव्या, अशी त्यांची अपेक्षा असते. पण काही कारणांमुळे ते शक्य नसल्यास आपण त्या साईटसाठी राईट-क्लिक एनेबल करू शकतो. तसे करण्याची पद्धत अशीः
१. सर्वप्रथम तुम्हाला जी इमेज सेव्ह करायची आहे, त्या पेजवर जा. इमेजवर राईट-क्लिक केल्यास फंक्शन डिसेबल्ड असा मेसेज येईल.
२. त्याच पेजवरील अॅड्रेसबार मध्ये पुढे दिलेला कोड पेस्ट करून एंटर करा -
javascript:void(document.oncontextmenu=null)

३. आता पुन्हा राईट-क्लिक करून पाहिल्यास ते फंक्शन अॅक्टिव्ह झाल्याचे लक्षात येईल. सेव्ह इमेज वर क्लिक केल्यास हवी ती इमेज तुम्ही हार्डडिस्कवर सेव्ह करू शकाल.

(वि.सू.ः या पद्धतीचा अवलंब करून इमेज सेव्ह केल्यानंतर कायदेशीर अडचणी उद्भवू शकतात, याची जाणीव ठेवावी.)
Read the full story

एखाद्या साईटला किंवा ब्लॉगला भेट देताना त्यात साईट अॅडमिनिस्ट्रेटरचे ई-मेल अायडी दिलेले असतात. साईटसंदभर्भात अधिक माहिती घेण्यासाठी आपण त्या अॅड्रेसवर थेट ई-मेल करू शकतो. त्या आयडीवर क्लिक केलं की तो ई-मेल अॅड्रेस आपल्या डिफॉल्ट मेल क्लाएंटमध्ये ओपन होतो. बहुतांश वेळा आपण वापरत नसलेला डेस्कटॉप ई-मेल क्लाएंट (उदा. आऊटलुक) आपला डिफॉल्ट मेल क्लाएंट म्हणून सेट झालेला असतो. तुम्ही जर नियमितपणे जी-मेल वापरत असाल आणि तुमच्याकडे फायरफॉक्स असेल तर पुढील ट्रिक वापरून तुम्ही ही डोकेदुखी थांबवून जी-मेलला तुमचा डिफॉल्ट मेल क्लाएंट म्हणून सेट करू शकता.

ही ट्रिक फायरफॉक्सच्या सर्व व्हर्जनसाठी लागू पडते.

१. सर्वप्रथम तुमच्या जी-मेलच्या अकाऊंटवर लॉग-इन व्हा.
२. आता याच विंडोतील अॅड्रेस बारमध्ये पुढे दिलेला कोड पेस्ट करून एंटर करा.

javascript:window.navigator.registerProtocolHandler("mailto","https://mail.google.com/mail/?extsrc=mailto&url=%s","Gmail")

३. Add Gmail as an application to mailto links? अशा आशयाचा एक पॉप-अप येईल. त्यातील अॅड अॅप्लीकेशन यावर क्लिक करा.
४. जी-मेलला डिफॉल्ट मेल क्लाएंट सेट करण्यासाठी येथे क्लिक करा. क्लिक केल्यानंतर उपलब्ध मेल क्लाएंट्सची लिस्ट दाखवणारा एक बॉक्स प्रॉम्प्ट होईल. त्यातील जी-मेल सिलेक्ट करा व Remember my choice for mailto links यावर चेक करा. ओके म्हटल्यानंतर जी-मेल हा तुमचा डिफॉल्ट मेल क्लाएंट म्हणून सेट होईल.


५. "Tools" > "Options" (किंवा मॅकिन्तोशसाठी "Firefox" > "Preferences") येथे जाऊन तुम्ही डिफॉल्ट मेल क्लाएंट केव्हाही बदलू शकता.
Read the full story

एखाद्या मेलला उत्तर देताना किंवा एखाद्या ब्लॉगपोस्टवर कॉमेंट देताना आपण इतकं गुंग होतो की आपण किती लिहितोय याचं भान राहत नाही. सगळं लिहून झाल्यानंतर (पुन्हा एकदा वाचून, करेक्शन्स करून) आपण सेन्ड किंवा पोस्ट म्हणतो आणि...सेशन एक्स्पायर्ड किंवा सेशन टाईमआऊट असा भलो मोठा मेसेज येतो. झालं...एवढा विचार करून, एवढा वेळ घालून लिहिलेलं सगळं गेलं...ते परत मिळवण्याच्या प्रयत्नात डेस्परेट होऊन आपण भलत्या कोणत्यातरी कीज प्रेस करून होतं-नव्हतं तेही घालवतो. आता परत तेच लिहिण्याचा मूड राहत नाही किंवा लिहिलंच तर ते मनासारखं होत नाही. तुम्ही फायरफॉक्स ब्राऊजर वापरत असाल, तर अशा प्रसंगी गेलेले टेक्स्ट परत मिळविण्यासाठी एक नवे एक्स्टेंशन वापरू शकता.

टेक्स्ट सेव्हर हे त्या एक्स्टेंशनचे नाव. टेक्स्ट सेव्हर इन्स्टॉल केल्यानंतर फायरफॉक्स रिस्टार्ट करा. आता तुम्ही टेक्स्ट सेव्हर वापरू शकाल. फायरफॉक्सच्या स्टेटसबारमध्ये (तळात) पेपर आणि फ्लॉपी असा आयकॉन दिसेल. हा टेक्स्ट सेव्हरचा आयकॉन आहे. कोणत्याही साईटवरील टेक्स्ट एरियात टाईप करताना तुम्ही लिहिलेल्या मजकुरावर जाऊन राईट-क्लिक करा व Add this text to TextSaver यावर क्लिक करा. तुम्ही टाईप करत असलेले सर्व टेक्स्ट आता टेक्स्ट सेव्हरमध्ये सुरक्षित आहे. टेक्स्ट अॅड झाल्यानंतर साईडबार तयार होईल. त्यासोबतच एक बॉक्स प्रॉम्प्ट होईल. यात तुम्ही नुकतेच अॅड केलेल्या टेक्स्टसाठी एखादा कीवर्ड देऊ शकता. सेव्ह केलेले टेक्स्ट पुन्हा शोधण्यासाठी याचा उपयोग होतो. तुम्ही काम करत असताना सेशन टाईमआऊट झाले किंवा कनेक्टिव्हिटी गेली तर टेक्स्ट सेव्हर ओपन करून सेव्ह केलेले टेक्स्ट रिट्राईव्ह करू शकता.

हे टेक्स्ट तुम्ही ड्रॅग करून पुन्हा वापरू शकता. टेक्स्ट सेव्हर अजूनही प्रायोगिक अवस्थेत असल्यामुळे ते इन्स्टॉल करण्यासाठी तुम्हाला मोझिलावर रजिस्टर व्हावे लागेल. पण हे अगदी दोन मिनिटांचे काम आहे.
मोझिलावर रजिस्टर होण्यासाठी येथे क्लिक करा.
टेक्स्ट सेव्हर इन्स्टॉल करण्यासाठी येथे क्लिक करा.
आणखी एका भन्नाट एक्स्टेंशनसाठी वाचाः शब्द खाली पडू न देणारे ‘हायपरवड्‌र्ड्स’
Read the full story

नेहमी लागणाऱ्या साईट्स (उदा. जी-मेल, फेसबुक, अॉरकुट, गुगल न्यूज वगैरे) ओपन करण्यासाठी एखादा शॉर्टकट उपलब्ध झाला तर? असा शॉर्टकट उपलब्ध आहे. त्यास साईट स्पेसिफिक ब्राऊजर (एसएसबी) असे म्हणतात. विंडोजसाठी बबल्स नावाचे एसएसबी उपलब्ध आहे. बबल्सबद्दल अधिक माहितीसाठी वाचाः क्विक ब्राऊजिंगचा नवा मंत्र. आता विंडोजसाठी एखादे अॅप्लीकेशन उपलब्ध आहे आणि मॅकिन्तोशसाठी नाही, असं कसं चालेल?

फ्लुईड हे मॅकिन्तोशसाठीचे साईट स्पेसिफिक ब्राऊजर. फ्लुईड इन्स्टॉल केल्यानंतर एका छोट्या विंडोत तुम्ही नवे वेब अॅप्लीकेशन तयार करू शकता. तुम्हाला ज्या वेबसाईटसाठी शॉर्टकट तयार करायचा आहे त्याची लिंक आणि आयकॉन एंटर करून तुमच्या डॉकसाठी एक नवे अॅप्लीकेशन तयार होते.

यावर क्लिक केल्यास तुमच्या डिफॉल्ट ब्राऊजरमध्ये ती साईट ओपन होईल. याचा फायदा असा, की तुम्हाला जी-मेल, फेसबुक, गुगल रीडर आदी नेहमी लागणाऱ्या साईट्ससाठी ब्राऊजरमधील टॅब एंगेज करण्याची गरज नाही. तुम्ही इंटरनेटला कनेक्ट असलात की एसएसबीमधून तुम्हाला या साईटवरील अॅक्टिव्हिटीजचे नोटिफिकेशन्स मिळत राहतील.

Read the full story