बिलं ही विसरण्यासाठीच असतात, असं म्हटलं तर कुणाला आश्चर्य वाटू नये. एखादी व्यक्ती नित्यनेमाने, अगदी वेळेच्या आत, कोणताही दंड न बसता बिल भरत असेल तर त्याला ‘चमन’ म्हणून हिणवण्यास आपण मागे-पुढे पाहणार नाही. पण काहीही असलं तरी बिलं वेळेवर भरायलाच हवीत. अन्यथा दंड किंवा कनेक्शन तोडण्यासारख्या प्रकारांना सामोरं जावं लागतं. त्यामुळे बिलांच्या ड्यू डेट्स लक्षात राहतील, याची काळजी घ्या आणि सर्व बिलं वेळेवर भरत जा. आता तुम्ही म्हणाल, तोच तर मुख्य प्रॉब्लेम आहे. बिलांच्या शेवटच्या तारखाच बोंबलायला लक्षात राहत नाहीत. आज बिल भरूया, असा विचार ज्या दिवशी मनात येतो त्याच्या एक दिवस आधीच शेवटची तारीख निघून गेलेली असते. अशा वेळी तुम्ही ‘इज ड्यू अॉन’ ही सेवा वापरू शकता.

मुंबईतल्या ‘युकॉनॉमिक्स’ या कंपनीने सुरू केलेली ही वेब-बेस्ड सेवा अगदी प्राथमिक अवस्थेत आहे. म्हणजे, याचा इंटरफेस फारसा आकर्षक नाही; पण सेवा मात्र उपयोगाची आहे. ‘इज ड्यू अॉन’चा वापर करून तुम्ही जाणाऱ्या किंवा येणाऱ्या रकमेचे अलर्ट ई-मेलवर मिळवू शकता. वीज बिल, टेलिफोन बिल, मोबाईल बिल, क्रेडिट कार्ड बिल, इंटरनेट बिल, मुलांची फी, घरभाडे, सोसायटी मेन्टेनन्स, इन्शुरन्स प्रीमियम, येणारे चेक्स आदी गोष्टींचा ट्रॅक ठेवणे सोपे होते. ड्यू डेटच्या तीन दिवस आधी तुम्हाला पहिला अलर्ट ई-मेल पाठवला जातो. त्यावर कोणतीही अॅक्शन न घेतल्यास ड्यू डेटपर्यंत दररोज अलर्ट ई-मेल पाठवला जातो. दरम्यान तुम्ही बिल भरले असल्यास तुमच्या अकाऊंटमधून बिलाचा तपशील काढू शकता किंवा पुढच्या महिन्यासाठी अथवा वर्षासाठी पुन्हा अलर्ट सेट करू शकता.





‘इज ड्यू अॉन’चे मोफत व्हर्जन सध्या उपलब्ध असून प्रीमियम व्हर्जन लवकरच उपलब्ध होणार असल्याचे वेबसाईटवर म्हटले आहे. ड्यू डेट अलर्ट पाठवण्यासाठी सध्या केवळ ई-मेलचा वापर केला जातो. भविष्यात एसएमएस आणि ट्विटरवरूनही अपडेट पाठविण्याची सोय उपलब्ध करून देण्यात येणार आहे. बिलांच्या बाबतीत १०० पैकी ९९ लोक विसरभोळे असतात, असं म्हटलं तर वावगं ठरू नये. अशा साऱ्या विसरभोळ्यांसाठीच ‘इज ड्यू अॉन’ ही सेवा खास तयार करण्यात आली आहे.
Read the full story

कॉम्प्युटर किंवा इंटरनेटशी संबंधित एखादी संज्ञा (उदा. ActiveX) अडल्यास तुम्ही काय करता? त्याचा अर्थ समजावून घेण्याचा प्रयत्न करता की तसेच पुढे जाता? हा काहीतरी भलताच प्रकार दिसतोय, आपल्याला काही घेणं-देणं नाही, असं म्हणून अनेक जण ती संज्ञा समजावून घेण्याचा प्रयत्नच करत नाहीत. वास्तविक एका साध्या गुगल सर्चवरून आपल्याला त्या संज्ञेची हवी ती माहिती मिळू शकते. पण अनेकांना यात फारसा रस नसतो. त्यामुळे एवढी तसदी कोणी घेत नाही. पण ActiveX म्हणजे नेमकं काय, हे चारेक ओळींत आणि सोप्या भाषेत समजावून सांगितलं तर? शार्पन्ड डॉट कॉम ही साईट गेल्या दहा वर्षांपासून अविरतपणे असं ज्ञानदानाचं काम करीत आहे.

मे २००९ मध्ये शार्पन्ड डॉट कॉमला दहा वर्ष पूर्ण झाली. पेर ख्रिस्तनसन याने सुरू केलेल्या या साईटभोवती आज अाणखी तीन साईट्स उभ्या राहिल्या आहेत. कॉम्प्युटर आणि इंटरनेटशी संबंधित संज्ञांसाठी टेकटर्म्स, चॅटिंगमध्ये सर्रास वापरल्या जाणाऱ्या शब्दांची उकल करून सांगणारी चॅटरेफ आणि विविध फाईल एक्स्टेन्शनची माहिती देणारी फाईलइन्फो डॉट कॉम या त्या तीन साईट्स.

हार्डवेअर, सॉफ्टवेअर आणि इंटरनेट विश्वातील ए टू झेड संज्ञांची माहिती असलेली टेकटर्म्स डॉट कॉम ही साईट तुमचे या विषयांतील ज्ञान वाढवण्यास नक्कीच मदत करेल.

एखाद्या विचित्र फॉरमॅटमधील (उदा. .jcz) फाईल समोर आल्यास तिचा आगा-पिछा जाणून घेण्यासाठी आणि ती नेमकी कोणत्या प्रोग्राममध्ये ओपन होईल ही माहिती मिळवण्यासाठी फाईल इन्फो डॉट कॉम ही साईट खूप उपयोगाची ठरते. या साईटवरील फाईल एक्स्टेन्सशन्स पाहून गरगरायला होतं!

*$ म्हणजे ‘स्टार आणि डॉलर’ असं उत्तर दिलंत तर तुम्ही मूर्ख ठराल. *$ याचा अर्थ ‘स्टारबक्स’ असा होतो. 143 आणि 143444 अशा सांकेतिक भाषेत चॅट करणाऱ्या नव्या पिढीला पाहून तुम्ही नक्कीच बुचकाळ्यात पडाल. ही मुलं नेमक्या कोणत्या विषयावर चर्चा करताहेत, हे समजण्याच्या आत ती तुम्हाला गुंडाळून ठेवतील - एवढे सांकेतिक शब्द त्यांच्या डोक्यात फिट असतात. यातील 143 म्हणजे ‘आय लव्ह यू’ आणि 143444 म्हणजे ‘आय लव्ह यू व्हेरी व्हेरी मच’! चॅटिंगच्या विश्वात अशा शेकडो शब्दांचा सर्रास वापर केला जातो. असे शब्द आणि त्यांचे अर्थ जाणून घेण्यासाठी चॅटरेफ डॉट कॉम ही साईट नक्कीच उपयोगी ठरते. (एखाद्या अनोळख्या व्यक्तीने अचानक 143 म्हटलं तर किमान गोंधळायला तरी होऊ नये, म्हणून असे कोड वर्ड एकदा नजरेखालून तरी घाला. :-))
Read the full story

ई-मेल सिग्नेचर्स हा एक प्रचंड इंटरेस्टिंग प्रकार आहे. तुम्हाला आलेल्या ई-मेल्स एकदा चेक करा. प्रत्येकाच्या ई-मेलमध्ये मेसेजनंतर एक वेगळ्याच प्रकारची सिग्नेचर तुम्हाला दिसून येईल. काही जण नुसतं नाव लिहिणं पसंत करतात, तर काही जणांना नाव, गाव, पत्त्यासह ब्लॉग, वेबसाईट आणि सोशल नेटवर्किंग साईटवरील प्रोफाईल्सच्या लिंक्स देणंही आवडतं. पण अत्यंत सपक वाटणाऱ्या या सिग्नेचर्स आकर्षक करता आल्या तर? येस. वाईज स्टँप नावाचे फायरफॉक्स अॅड-अॉन वापरून तुम्ही ई-मेल सिग्नेचर्सने तुमची नवी ओळख तयार करू शकता.

जी-मेल, याहू मेल, हॉटमेल आणि एओएल मेल आणि इतर अनेक ई-मेल सेवांमध्ये तुम्ही वाईज स्टँपची मदत घेऊन तयार केलेल्या सिग्नेचर्स वापरू शकता. वाईज स्टँप डाऊनलोड करून इन्स्टॉल केल्यानंतर फायरफॉक्समध्ये खाली उजव्या कोपऱ्यात स्टँपचा आयकॉन दिसायला लागेल. असाच आयकॉन तुम्हाला जी-मेलच्या कॉम्पोझ मेन्यूमध्येही दिसेल. हा आयकॉन वापरून तुम्ही अगोदर तयार करून ठेवलेल्या पर्सनल किंवा बिझनेस सिग्नेचर्स ई-मेलमध्ये अॅड करू शकाल.

वाईज स्टँपमध्ये सिग्नेचर तयार करणे एकदम सोपे आहे. यासाठी तुम्ही एकतर तयार टेम्प्लेट वापरू शकता किंवा थेट तुम्हाला हवी तशी सिग्नेचर तयार करू शकता. पन्नासहून अधिक सोशल मीडिया (फेसबुक, ट्विटर, इ.) आणि इन्स्टन्ट मेसेंजर (जी-टॉक, स्काईप, इ.) सेवांसाठीचे छोटे आयकॉन्स तुम्ही सिग्नेचरमध्ये अॅड करू शकता. याशिवाय तुमच्या ब्लॉग किंवा वेबसाईटचा प्रसार करण्यासाठीसुद्धा ई-मेल सिग्नेचर वापरता येऊ शकते. वाईज स्टँपमध्ये आरएसएस फीड एंटर करून तुमच्या ब्लॉगवरील ताज्या पोस्टचे हेडिंगदेखील ई-मेल सिग्नेचरमध्ये दिसू शकते, हे याचे आणखी एक वैशिष्ट्य. याच पद्धतीने लास्ट एफएमवर तुम्ही ऐकलेले गाणे, यू ट्यूबवरील एखादा व्हिडीओ किंवा ट्विटर, फेसबुकवरील स्टेटस मेसेजसुद्धा ई-मेल सिग्नेचरमध्ये अॅड करू शकता. या सिग्नेचर एचटीएमएल फॉरमॅटमध्ये असल्याने तुम्ही त्या इतर ठिकाणीही (उदा. गुगल डॉक्स) वापरू शकता.

साधी-सोपी टेक्नॉलॉजीतले बदलः

मित्रांनो,
गेल्या वर्षभरापासून सुरू असलेल्या साधी-सोपी टेक्नॉलॉजी या ब्लॉगमध्ये तुमच्या सोयीसाठी काही बदल करत आहे. यापूर्वी या ब्लॉगसाठी मी 'अर्थेमिया' ही मूळ वर्डप्रेससाठी तयार केलेली थीम वापरत होतो. आता याच थीमचे 'मॉडिफाईड व्हर्जन' उपलब्ध झाले आहे. त्यामुळे ते वापरण्याचा प्रयत्न करत आहे. यातील काही फीचर्स (उदा. Headline) आता तरी अडचणीचे वाटत आहेत; पण त्यावर काही तरी उपाय नक्कीच सापडेल. अर्थात यातील कॅटेगरी नेव्हिगेशन आणि फीचर्ड पोस्ट्स हा प्रकार उत्तम आहे. त्यामुळे साधी-सोपी टेक्नॉलॉजीचे हे नवे रूप तुम्हाला आवडेल, अशी अपेक्षा आहे. sasotechnology@gmail.com वर तुमच्या प्रतिक्रिया जरूर कळवा.
Read the full story

लहानपणी बालचित्रवाणीचे कार्यक्रम म्हणजे माझा 'वीक पॉईंट' होता. विविध पुस्तकं, कॉमिक्स आणि सोबतीला बालचित्रवाणीचे कार्यक्रम असले की दिवस मजेत जायचा. बालचित्रवाणीत कागदी खेळांच्या मदतीने भागाकारपासून बाष्पीभवनापर्यंतचे अवघड प्रकार समजावून सांगितले जायचे. विज्ञानातील कठीण संकल्पना सोप्या करून सांगण्याचा तो प्रकार अफलातून होता. आता बालचित्रवाणीचे कार्यक्रम बघण्यात येत नाहीत. कदाचित सुरू असतील. पण आज एक साईट पाहण्यात आली आणि बालचित्रवाणीची प्रकर्षाने आठवण झाली.

आज दिवसागणिक एक नवी संकल्पना उदयास येते. सर्वसामान्य लोकांना यातील अनेक संकल्पना माहितदेखील नसतात. मग चारचौघांत बोलताना किंवा मुलांच्या प्रश्नांना उत्तरं देताना फजिती होते. अशा लोकांसाठी अत्यंत सोप्या इंग्रजी भाषेत आणि कागदी खेळांच्या साह्याने अनेक नव्या संकल्पना समजावून सांगणारे खास व्हिडीओ ‘कॉमन क्राफ्ट’ या साईटवर उपलब्ध आहेत. पर्यावरण, बँकिंग, समाजव्यवस्था आणि टेक्नॉलॉजी या विषयांतील विविध संकल्पना अत्यंत सोप्या भाषेत समजावून सांगितल्या आहेत. सोशल मीडिया म्हणजे काय, अमेरिकेत राष्ट्राध्यक्ष कसा निवडला जातो, सीएफएल आणि साध्या बल्बमध्ये नेमका काय फरक आहे, असे व्हिडीओज या साईटवर उपलब्ध आहेत. व्यावसायिक वापरासाठी या साईटवरील व्हिडीओ खरेदी करावे लागतात.


सिएटलमधील आपल्या छोट्याशा घरात बसून साची आणि ली हे जोडपे ही साईट चालवतात. साची आणि ली यांनी गुगल, लिंक्डइन, फोर्ड आदी कंपन्यांसाठीही खास व्हिडीओ तयार केले आहेत. 'कॉमन क्राफ्ट'वरील विविध व्हिडीओज अॅमेझॉनच्या किंडल ई-बुक रीडरवरदेखील उपलब्ध आहेत.
Read the full story

एखाद्या आवडत्या साईटवरील विशिष्ट सेक्शन कॅप्चर करण्यासाठी तुम्ही काय करता? विंडोज वापरणारे प्रिंट स्क्रीन किंवा मॅकिन्तोष वापरणारे Command+Shift+3 वापर असतील. पण यातून हवा तो सेक्शन वेगळा काढण्यासाठी ‘इमेज एडिट’ करावी लागते. त्याऐवजी जे सेक्शन कॅप्चर करायचं आहे तेवढंच करा. यासाठी या क्षेत्रातील दिग्गज ‘टेकस्मिथ’ने एक फ्री स्क्रीन कॅप्चर सॉफ्टवेअर तयार केलं आहे. ‘स्नॅग-इट’ आणि ‘कॅमटाशिया स्टुडियो’चे निर्माते असलेल्या ‘टेकस्मिथ’ने सर्वसामान्य ग्राहकांसाठी ‘जिंग’ हा नवा आणि मोफत पर्याय उपलब्ध करून दिला आहे.
‘जिंग’च्या माध्यमातून तुम्ही स्टिल आणि व्हिडीओ अशा दोन्ही प्रकारांत स्क्रीन कॅप्चर करू शकता. हव्या त्या आकार स्क्रीनचे कॅप्चर घेणे किंवा स्क्रीनवरील अॅक्टिव्हिटीचे पाच मिनिटांपर्यंत रेकॉर्डिंग करणे याद्वारे शक्य होते. स्टिल स्क्रीन कॅप्चरसाठी वापरले जाणारे ‘स्नॅग-इट’ (५० डॉलर्स) आणि स्क्रीन रेकॉर्डिंसाठी वापरले जाणारे ‘कॅमटाशिया स्टुडिओ’ (२९९ डॉलर्स) ही दोन्ही सॉफ्टवेअर्स प्रोफेशनल गटात मोडतात. ‘जिंग’चेही प्रोफेशनल व्हर्जन (१५ डॉलर्स प्रतिवर्ष) उपलब्ध
आहे; पण मोफत व्हर्जनमध्ये सर्वसामान्य ग्राहकाच्या सर्व गरजा भागू शकतात.

‘जिंग’ विंडोज (एक्सपी, व्हिस्टा) आणि मॅकिन्तोषसाठी उपलब्ध आहे. साधारण आठ एमबीचे हे सॉफ्टवेअर डाऊनलोड करून इन्स्टॉल केल्यानंतर तुमच्या स्क्रीनवर एका कोपऱ्यात ‘जिंग’चा सूर्य (Sun) तळपू लागतो. त्यावर कर्सर नेल्यास कॅप्चर, हिस्ट्री आणि मोअर असे अॉप्शन्स दिसतात. नवीन स्क्रीनशॉट घ्यायचा असेल किंवा स्क्रीन रेकॉर्डिंग करायचं असेल तर कॅप्चर म्हणून हवा तेवढा स्क्रीन एरिया सिलेक्ट करा व ‘कॅप्चर अॅन इमेज’ किंवा ‘कॅप्चर ए व्हिडीओ’वर क्लिक करा. कॅप्चर झालेली इमेज (यावर टेक्स्ट आणि बॉक्सेसही अॅड करता येतात) किंवा व्हिडीओ तुम्ही तुमच्या कॉम्प्युटरवर स्टोअर करून ठेऊ शकता किंवा ‘स्क्रीनकास्ट डॉट कॉम’वर थेट अपलोड करू शकता. ‘स्क्रीनकास्ट डॉट कॉम’ ही ‘टेकस्मिथ’चीच आणखी एक सेवा. ‘जिंग’ वापरण्यापूर्वी तुम्हाला तुमचे अकाऊंट अोपन करावे लागते. याच अकाऊंटचा वापर करून तुम्ही ‘स्क्रीनकास्ट’वर दोन जीबी पर्यंतचा डाटा स्टोअर करून ठेऊ शकता. हिस्ट्रीवर क्लिक केल्यानंतर आतापर्यंत कॅप्चर केलेल्या इमेजेस आणि व्हिडीओ दिसतात. मोअरमध्ये जाऊन तुम्ही ‘जिंग’च्या सेटिंग्ज बदलू शकता. उदा. कॉम्प्युटर स्टार्ट केल्यानंतर ‘जिंग’ अॅक्टिव्हेट व्हायला हवे की नको वगैरे सेटिंग्ज इथून बदलता येतात. ‘जिंग’च्या मोफत व्हर्जनमध्ये व्हिडीओ केवळ फ्लॅश फॉरमॅटमध्ये (swf) सेव्ह करता येतात; प्रोफेशनल व्हर्जनमध्ये ते mpeg4 फॉरमॅटमध्येही सेव्ह करता येऊ शकतात - एवढाच काय तो फरक! ट्युटोरियल, प्रेझेंटेशन वगैरे तयार करण्यासाठी या सेवेचा मोठा उपयोग होतो.

See How Jing Works
See a Video Capture
Read the full story

डेंटिस्टपासून ते मोबाईल स्टोअर शोधण्यापर्यंतच्या सर्व कामांसाठी ‘गुगल’ वापरणे आजकाल सोयीचे जाते. या अशा साऱ्या गोष्टी असतात यलो पेजेसमध्ये मिळतात; पण तुमच्या-माझ्यासारखी सर्वसामान्य माणसं अशी जाडजूड यलो पेजेस डिरेक्टरी बाळगत नाहीत. एखादं चांगलं चायनीज रेस्टॉरंट शोधण्यासाठी आपण मोबाईलचा पर्याय अधिक पसंत करू. तुमच्या मोबाईलवर जीपीआरएस कनेक्टिव्हिटी असेल तर या सगळ्या गोष्टी तुम्ही गुगल लोकलच्या आधारे सर्च करू शकता. यासाठी गुगलने ठिकठिकाणच्या आघाडीच्या यलो पेजेस कंपन्यांशी अगोदरंच टाय-अप्स केले आहेत. पण गल्लीतला पानवाला, इस्त्रीवाला, किरकोळ किराणा दुकानदार, हेअर कटिंग सलून, गॅरेजेस, पंक्चर काढून देणारे आदींची माहिती या ‘यलो पेजेस’मध्येदेखील नसते. अशा प्रकारच्या कोणत्याही व्यावसायिकास आपला व्यवसाय गुगल लोकल आणि गुगल मॅप्सवर आणण्याची सुविधा गुगलने लोकल बिझनेस सेंटरच्या माध्यमातून अगोदरंच उपलब्ध करून दिली आहे. आता अशा व्यावसायिकांसाठी गुगलने अॅनालिटिक्ससारखी नवी सेवाही देऊ केली आहे.
लोकल बिझनेस सेंटरच्या माध्यमातून तुम्ही तुमच्या दुकानाची किंवा सेवेची माहिती देऊन (उदा. Anil Fruit Shop, Kumar Parisar Society, Kothrud, Pune) तुमचा व्यवसाय गुगल लोकल वर लिस्ट करू शकता. यानंतर संबंधित शहरातील किंवा प्रभागातील व्यक्तीने त्या अनुषंगाने सर्च केल्यास (Fruit Shop Kothrud) त्याला रिझल्टपेजवर तेथील व्यावसायिकांची माहिती व नकाशावर त्यांचे ठिकाण दिसेल. तुम्ही मोबाईलवरून सर्च करत असाल तर रिझल्टमध्ये डिस्प्ले झालेल्या टेलिफोन किंवा मोबाईल नंबरवर तुम्हाला थेट कॉलही करता येतो. तुम्हाला काही अॉफर्स द्यायच्या असतील तर त्याही यातून देता येतात. येणारे ग्राहक तुमच्या सेवेबद्दल त्यांच्या प्रतिक्रियाही येथे देऊ शकतात. या माध्यमातून सर्च करून हवे ते दुकान किंवा सेवा शोधणाऱ्यांची संख्या वरचेवर वाढतंच जाणार आहे. त्यामुळे तुम्हीही तुमचा व्यवसाय किंवा तुमच्या ओळखीच्या व्यक्तीचा व्यवसाय (उदा. तुमचे फॅमिली डॉक्टर, तुमचा किराणा दुकानदार, ठरलेला पाणीपुरीवाला वगैरे) गुगल लोकलवर लिस्ट करू शकता.


या सेवेत गुगलने नुकतेच अॅनालिसिस डॅशबोर्डही अॅड केले आहे. याचा मुख्य फायदा असा की कोणत्या कीवर्डसाठी किती लोक तुमच्या लिस्टिंगवर आले, कुठून आले याची थेट माहिती तुम्हाला मिळू शकते. म्हणजे फ्रुट शॉपसाठी लोकांनी Fresh Fruits, Fruits, Vegetable and Fruits, Apple, Alphonso, Mangoes यापैकी कोणत्या कीवर्डने सर्च केले हेही तुम्हाला समजू शकते. यावरून तुम्हाला एखाद्या वस्तूच्या मागणीचा अंदाजही येऊ शकतो. म्हणजे एखादे महागडे फळ तुमच्या दुकानात नसेल आणि त्या फळाच्या नावाने सर्वाधिक सर्च होतोय, असे लक्षात आले तर तुम्ही ते फळ तुमच्या दुकानात ठेऊन चांगला व्यवसाय करू शकता. याचप्रमाणे लोक कोणत्या भागातून तुमच्या दुकानात येतात, हेही या डॅशबोर्डवरून कळू शकते. ज्या भागातून सर्वात जास्त लोक येतात त्या भागात एखादी शाखा सुरू करण्यास हरकत नाही, असा अंदाजही तुम्ही लावू शकता. स्थानिक व्यावसायिकांसाठी गुगलची ही सेवा नक्कीच उपयोगाची ठरणार आहे. या गटात मोडणाऱ्या किती लोकांकडे इंटरनेट असेल याबद्दल शंका असली तरी तुम्ही-आम्ही आपल्या जवळच्या लोकांना ही सेवा वापरून पाहण्याचा सल्ला देऊन मार्गदर्शन नक्कीच करू शकतो!

(माझाच अनुभव सांगतो. मागे एकदा डेंटल क्लिनिंगसाठी मी माझ्याच एरियातील डेंटिस्ट्स शोधत होतो. सर्चमध्ये त्या एरियातील पाच-सहा डेंटिस्ट्स सापडले. त्यापैकी दोन-तीन जणांकडे मी जाऊन आलो. पण त्यातील दोन बंद होते आणि एक डॉक्टर क्लिनिंग करत नव्हते. फिरता-फिरता मला आणखी एक डेंटिस्ट सापडले. मी त्यांच्याकडे गेलो. क्लिनिंग झाल्यानंतर मी डॉक्टरांना म्हणालो की, डॉक्टर, तुमच्या शेजारच्या तीन-चार डॉक्टरांची नावं गुगल सर्चमध्ये येतात; पण तुमचं नाव त्यात नाहीये. त्यांना याचा काही गंध नव्हता. पण त्यांच्या डेस्कवर लॅपटॉप होता. नशीबाने इंटरनेटही होते. मी त्यांचे क्लिनिक गुगल लोकलवर लिस्ट केले. डॉक्टर खूश झाले. त्यांनी माझ्याकडून शंभर रुपये कमी घेतले आणि पुढच्या दिवाळीला ग्रिटींगही पाठवले!)

आणखी एकः
मित्रांनो, २७ मे रोजी साधी-सोपी टेक्नॉलॉजीला एक वर्ष पूर्ण झाले. जानेवारीपर्यंत जोमाने लिहिल्यानंतर थोडासा ब्रेक हवा होता. त्यामुळे ‘गुगल लॅटिट््यूड’ या शेवटच्या पोस्टनंतर लिखाण केले नाही. पण ब्लॉगला रोज भेट देणाऱ्यांची संख्या उत्साहवर्धक होती. त्यानंतरच्या चार महिन्यांत दरमहा हजारभर हिट्स ब्लॉगला मिळत होत्या. आजपासून पुन्हा एकदा नव्याने लिखाण करण्याचा विचार आहे.
तुमच्या प्रतिसादाच्या अपेक्षेत...
Read the full story

सर्वप्रथम, साधी-सोपी टेक्नॉलॉजीच्या सर्व वाचकांनी नव्या वषर्षाच्या हार्दिक शुभेच्छा...मनापासून!
नवीन वषर्षाच्या शुभेच्छा एसएमएसवरून पाठवताना आपण जरा विचार करतो. कारण फोनबुकमधल्या दोन-चारशे जणांना एसएमएस पाठवयाचा म्हटलं तर किमान दोन-अडीचशे रुपयांचा फटका बसतो. एरवी दरमहा अडीचशे रुपये बिल भरण्याची सवय लागलेल्यांना नवीन वषर्षाच्या पहिल्याच महिन्यात पाच-सहाशे रुपये बिल भरणे कठीण जाते. नवीन वषर्षाचे एसएमएस पाठवण्यासाठी आणि नव्या वषर्षात एसएमएसचे बिल कमी करण्यासाठी काय करता येईल, याबद्दल मी आज माहिती देणार आहे.

कॉम्प्युटर आणि मोबाईलवरून मोफत एसएमएस पाठवण्यासाठी तुम्ही एसएमएस लाईफ डॉट इन या नव्या सेवेचा वापर करू शकता. मोफत एसएमएसची सुविधा इतरही काही कंपन्यांकडून दिली जाते. तथापि, एसएमएस लाईफचे वैशिष्ट्य म्हणजे या सेवेचे मोबाईल अॅप्लीकेशन वापरून तुम्ही जीपीआरएस किंवा वाय-फायच्या आधारेही मोफत एसएमएस पाठवू शकता. एसएमएस लाईफ वापरण्यासाठी सर्वप्रथम या साईटवर रजिस्टर व्हावे लागते. तुमचा मोबाईल नंबर हा तुमचा लॉग-इन आयडी असतो. लॉग-इन झाल्यानंतर तुम्ही ८० कॅरेक्टर्समध्ये तुमचा मेसेज टाईप करून हव्या त्या व्यक्तीला पाठवू शकता. उरलेल्या ८० कॅरेक्टर्समध्ये एसएमएस लाईफतफर्फे जाहिरात इन्सर्ट केली जाते. या सेवेत अॉनलाईन फोनबुकही तयार करता येते. एक व्यक्ती एका दिवसात जास्तीत-जास्त १०० एसएमएस पाठवू शकते. या सेवेचे आणखी एक वैशिष्ट्य म्हणजे तुम्ही एसएमएस शेड्यूलही करू शकता. अथर्थात एक तारखेला सकाळी १० वाजता पाठवायचा एसएमएस तुम्ही आज शेड्यूल करून ठेवू शकता. सदर एसएमएस दिलेल्या तारखेस संबंधित व्यक्तींना पाठवला जातो. सर्वसाधारण मोबाईलमध्ये एसएमएस शेड्यूलिंगची सुविधा नसते. वाढदिवस, अॅनिव्हर्सरीज आदींचे अलर्टही तुम्ही सेव्ह करून ठेवू शकता.



या सर्व गोष्टी मोबाईलवरूनही अॅक्सेस करता येतात. त्यासाठी तुमच्याकडे जीपीआरएस किंवा वाय-फाय कनेक्टिव्हिटी असणे गरजेचे आहे. मोबाईल ब्राऊजरमधून m.smslife.in या साईवर जाऊन एसएमएस लाईफचे मोबाईल अॅप्लीकेशन डाऊनलोड करा. लॉग-इन झाल्यानंतर तुम्ही थेट तुमच्या मोबाईल फोनबुकमधील क्रमांकावर एसएमएस लाईफच्या आधारे मेसेज पाठवू शकाल.
Read the full story

नव्या वषर्षात हिशेब मांडून ठेवण्याचा निश्चय केल्यानंतर शैलेशने आणखी एक निश्चय केलाय. टेलिफोन बिल, मोबाईल बिल आणि इलेक्ट्रिसिटी बिल भरण्यात त्याचा अर्धा गुरूवार गेल्याने तो जाम वैतागला सेफ्टी, सिक्युरिटी सर्व काही बाबी तपासून शक्य तेवढी बिलं अॉनलाईन भरायची असा निर्णय त्याने घेतलाय. तुम्ही अजूनही रांगेत उभे राहत असल्यास, अॉनलाईन बिल पेमेंटचा विचार करावयास हरकत नाही. तुम्ही म्हणाल, आपल्याकडे (भारतात) हे फारसं चालत नाही - पण जरा खालील आकड्यांवर नजर टाका, म्हणजे याचा अंदाज तुम्हाला येईल.

- मुंबईतील २८ टक्के, दिल्लीतील २२ टक्के, चेन्नईतील १२.५ टक्के, बेंगळुरूतील १२ टक्के लोक त्यांची बिलं अॉनलाईन भरतात.
- प्रमुख १० शहरांतील एकूण पोस्टपेड मोबाईलधारकांपैकी ७५ टक्के मोबाईलधारक, ७० टक्के क्रेडिट कार्डधारक, ६० टक्के वीजधारक संबंधित सेवांची बिलं अॉनलाईन भरतात, असे असोचॅमने केलेल्या अभ्यासात दिसून आले आहे.

- अॉनलाईन बिल भरणाऱ्यांमध्ये १८ ते ३६ वयोगटातील तरुणांची संख्या अधिक असल्याचेही (६८ टक्के ) या अभ्यासात म्हटले आहे. ३६ ते ६० या वयोगटातील सुमारे ३१ टक्के लोक अॉनलाईन बिलाचा पयर्याय स्वीकारतात.
- सवर्वांत महत्त्वाचे म्हणजे, अॉनलाईन बिलिंगचा पयर्याय स्वीकारलेली व्यक्ती वषर्षाला तब्बल ८० तासांचा वेळ वाचवते...

आता बोला!
अॉनलाईन बिलिंगसाठी तुमच्याजवळ डेबिट अथवा क्रेडिट कार्ड किंवा इंटरनेट बॅकिंगची सुविधा असणे गरजेचे आहे. तुमच्या बॅकेतफर्फे इंटरनेट बॅंकिंगची सुविधा मिळत असल्यास त्यासाठी अर्ज करा. क्रेडिट कार्डचे पेमेंट, इलेक्ट्रिसिटी, टेलिफोन, मोबाईल बिल याशिवाय प्रॉपटर्टी टॅक्स, पाणीपट्टी आदी सर्व तुम्ही अॉनलाईन भरू शकता. त्यासाठी पुढीलपैकी कोणत्याही सेवेचा वापर करता येऊ शकतोः

• बिलडेस्कः http://www.billdesk.com/
• बिल जंक्शनः https://www.billjunction.com
• ईझी बिल इंडियाः http://www.easybillindia.com/
• व्हिसा बिल पेः http://www.visabillpay.in

याखेरीज इन्शुरन्स पॉलिसीजचे प्रीमियमदेखील अॉनलाईन भरता येते. टाटा स्काय किंवा डिश टीव्ही सारख्या डीटीएच सेवादेखील अॉनलाईन रिचार्ज करता येतात.
Read the full story

शैलेशच्या डायरीतले एक पानः
पुढच्या वषर्षापासून (म्हणजे १ जानेवारी, २००९ पासून) डेली एक्स्पेन्सेस लिहून ठेवायचं ठरवलं आहे. त्यासाठी नवी डायरी आज आणली-‘व्हीनस’मधून. मग येता-येता दीपकसोबत ‘रुपाली’त बसून इडली-वडा, फिंगर चिप्स आणि कॉफीपान असा कार्यक्रम झाला. गुडलक चौकातून काही नवी पुस्तके आणि मासिके घेतली आणि पेट्रोल भरून सरळ घरी आलो.

शैलेशप्रमाणेच तुम्हीदेखील नव्या वषर्षापासून हिशेब लिहून ठेवायचे ठरवले असेल. अगदी गेल्या वषर्षी ठरवले होते, तसेच. हिशेब लिहून ठेवणे ही खूप चांगली सवय असली तरी ती जमणाऱ्यांनाच जमते. तुमच्या-आमच्यासारखे फार तर आठवडाभर हिशेब लिहून ठेवू शकतात. कंटाळा केला की डायरी पुढे वर्षभर कोरीच राहते. तुमच्यासारख्या नेट सॅव्ही लोकांना तर डायरी वगैरे सांभाळणे अाणखीनच कठीण जाते. कल्पना करा, हिशेब मांडण्यासाठी तुम्ही जी-टॉक किंवा याहू मेसेंजर किंवा ई-मेल वापरू शकलात तर?


एक्स्पेन्सर ही अशीच एक सेवा. मंदीच्या काळात तर एकेका पैशाचा हिशेब लिहून ठेवण गरजेचे होणार आहे. तुम्ही जर इंटरनेटचा भरपूर वापर करीत असाल तर एक्स्पेन्सर ही सेवा वापरून तुम्ही तुमचे डेली एक्स्पेन्सेस अॉनलाईन स्टोअर करून ठेवू शकता. एक्स्पेन्सरवर रजिस्टर झाल्यानंतर तुम्ही याहू, गुगल, एओएल आणि एमएसएन इन्स्टा मेसेंजर वापरून तुमचा दैनंदिन हिशेब नोंदवून ठेवू शकता. Xpenserbot तुमच्या फ्रेंडलिस्ट मध्ये अॅड केल्यानंतर तुम्ही Petrol on 16th Dec. Rs. 100 असा मेसेज पाठवला की याची नोंद थेट एक्स्पेन्स रिपोर्टमध्ये केली जाते. तुम्ही ट्विटरवरूनही हिशेब नोंदवू शकता. d xpn Petrol on 16th Dec. Rs. 100 असे टाईप करून तुमचा हिशेब पाठवू शकाल. d xpn म्हणजे direct message to Xpenser. याखेरीज तुम्ही ई-मेलच्या Subject लाईनमध्ये Petrol on 16th Dec. Rs. 100 असे टाईप करून e@xpenser.com यावर ई-मेलही पाठवू शकता. अमेरिका आणि कॅनडातील रहिवासी EXP टाईप करून 66937 (MOZES) ला एसएमएस पाठवून हिशेब नोंदवू शकतात. त्यांच्यासाठी व्हाईस कॉलिंगची सुविधाही उपलब्ध आहे.



एक्स्पेन्सर वापरायला लागल्यानंतर तुम्हाला अनेक नव्या गोष्टी एक्स्प्लोअर करता येतील. महिन्यांनुसार कीवर्ड करून त्या-त्या महिन्याचे एक्स्पेन्स रिपोर्ट अपडेट करता येतात. उदा. DEC 08 Petrol on 16th Dec. Rs. 100 असा मेसेज पाठवल्यास तो आपोआप डिसेंबरच्या रिपोर्टमध्ये नोंदवला जाईल. तेव्हा नव्या वषर्षापासून नव्हे; तर आजपासूनच हिशेब नोंदवायला लागा.

Stay connected with SasoQuick toolbar. Click here to know more.
Read the full story

आर्थिक मंदीमुळे जागतिक तसेच भारतीय विमान कंपन्यांना मोठा फटका बसत असल्याच्या बातम्या सध्या रोज वाचायला मिळताहेत. खालील लिंक्सवर जरा नजर टाका, म्हणजे तुम्हाला याचे गांभीर्य लक्षात येईल.
Airlines See Big Traffic Drop and Expect More Bad News
Airlines record sharp drop in business travel
Meltdown effect: Airlines grounded, Rlys take wings

कॉपर्पोरेट हाऊसेस आणि वैयक्तिक पातळीवरदेखील कॉस्ट कटिंग सुरू झाल्याने काही महिन्यांपूवर्वी सहज विमानाने प्रवास करणारे आता एक तर प्रवास रद्द करीत असल्याचे दिसून येतेय. अगदीच अपरिहार्य असल्यास विमानाचा पयर्याय घेतला जातोय. अन्यथा लोक रेल्वेचा अॉप्शन पसंत करताहेत. काही महिन्यांपूवर्वी एव्हिएशन फ्युएलच्या किमती गगनाला भिडल्याने लो-कॉस्ट कॅरिअर देखील परवडत नव्हते. आता फ्युएल सरचार्ज कमी केल्याने लोक पुन्हा लो-कॉस्ट कॅरिअरचा अॉप्शन ठेवतील अशी चिन्हे आहेत. ही झाली भारतातील परिस्थिती. परदेशातील परिस्थितीही याहून वेगळी नाही. अशावेळी खासगी किंवा कायर्यालयीन कामाकरिता परदेशात प्रवास करावयाचा झाल्यास आपण देखील सर्वप्रथम लो-कॉस्ट कॅरिअर शोधण्याचा प्रयत्न करू.

अॉनलाईन बुकिंगची सेवा जवळपास सर्वच विमान कंपन्या देतात. पण कुठल्या कंपनीचा तिकिट दर तुलनेने कमी आहे, हे शोधण्यासाठी सर्व कंपन्यांच्या साईटला भेट देणे म्हणजे वेळखाऊ काम आहे. अशा वेळी तुम्ही यात्रा किंवा मेक माय ट्रिप किंवा ट्रिपिटसारख्या साईटचा आधार घेता. यातून सर्व कंपन्यांचे फ्लाईट प्लॅन्स पाहून निर्णय घेता येतो व सवलतीत तिकिट बुकही करता येते. भारतात प्रवास करावयाचा असेल तर आपण थेट स्पाईस जेट किंवा इंडिगो एअरलाईन्सच्या साईटवर जाऊनही तिकिट बुक करू शकतो. पण समजा तुम्हाला दक्षिण अाफ्रिकेत किंवा अॉस्ट्रेलियात जायचं असेल तर? तेथील लो-कॉस्ट कॅरिअर आपल्याला सहसा माहित नसतात. अशावेळी तुम्ही एअर निन्जा या साईटची मदत घेऊ शकता. जगभरातील लो-कॉस्ट कॅरिअरची माहिती या साईटवर साठवलेली आहे. तुम्हाला ज्या ठिकाणाहून प्रवास सुरू करावयाचा आहे त्या देशाचे व ठिकाणाचे नाव आणि जिथे जायचे आहे त्या देशाचे आणि ठिकाणाचे नाव ड्रॉपडाऊन मेनूतून सिलेक्ट केल्यानंतर संबंधित मार्गांवरील लो-कॉस्ट कॅरिअर्स डिस्प्ले होतील. तुम्ही ठराविक कॅरिअरच्या साईटवर जाऊन अधिक माहिती मिळवू शकता व तिकिटही बुक करू शकता.




Read the full story

मुलाचा पहिला वाढदिवस शैलेशने जोरदार साजर करायचा ठरविला. हॉटेल बुक केले, निमंत्रितांची यादी तयार झाली, सगळं काही व्यवस्थित झालं. पण निमंत्रण पत्रिकात प्रचंड घोळ झाले. डिझायनरने केलेल्या चुका सुधारण्यात दिवस गेला, त्यानंतर प्रिंटरने घोळ घातले. त्यामुळे अध्यर्ध्या छापून झाल्यानंतर पुन्हा छापावयास घेतल्या. त्यात एक दिवस महाराष्ट्र बंद असल्यामुळे पत्रिका हातात मिळावयासच बुधवार उजाडला. कार्यक्रम दोन दिवसांवर आला असल्यामुळे सगळ्यांना घरी जाऊन पत्रिका देणे शक्यच नव्हते. शेवटी सगळ्यांना फोनवरच आमंत्रण दिले. त्यामुळे प्रत्येकाला हॉटेलचा पत्ता सांगणे, वेळ सांगणे, अडचण आल्यास भावाच्या मोबाईलवर फोन करावयास सांगणे, त्याचा नंबर देणे अशी सगळी माहिती द्यावी लागत होती. शेवटी एकदाचा कार्यक्रम पार पडला...पिंग वापरले असते, तर असे घोळ झाले नसते. पिंग? व्हॉट इज पिंग?



इव्हेंट इन्फॉर्मेशन आणि इन्व्हिटेशनसाठी अनेक अॉनलाईन सेवा उपलब्ध आहेत. अगदी अॉरकुट, फेसबुकचा वापर करूनही तुम्ही एखाद्या इव्हेंटचे इन्व्हाईट पाठवू शकता. पण त्यात ओलावा नसतो. सॉफिस्टिकेशन नसते. सध्या उपलब्ध असणाऱ्या अनेक सेवांमध्ये पिंग ही सेवा सवर्वोत्तम आहे. पिंग या मोफत सेवाचा वापर करून तुम्ही पुढील गोष्टी करू शकताः
१. इन्व्हिटेशन कार्ड डिझाईनः उपलब्ध असलेल्या अनेक डिझाईन्समधून तुम्ही एखादे डिझाईन निवडू शकता किंवा तुम्ही स्वतः केलेले डिझाईन अपलोड करू शकता. पिंगचे प्रीमियम डिझाईन वापरायचे असल्यास १० डॉलर खर्च येईल. कार्डचा ले-आऊटही हवा तसा बदलता येतो.



२. इव्हेंट डिटेल्सः यात दिनांक, वेळ, टाईम झोन, ठिकाण, सविस्तर पत्ता आणि निमंत्रितांना द्यावयाचा संदेश आदी गोष्टींचा समावेश आहे. कार्यक्रमाच्या ठिकाणाचा नकाशाही (गुगल मॅप) जोडता येतो.
३. गेस्ट लिस्टः पिंग वापरण्यासाठी अगोदर रजिस्ट्रेशन करावे लागते. त्यानंतर तुम्ही विविध कार्यक्रमांसाठीच्या निमंत्रितांसाठी लिस्ट्स तयार करून ठेवू शकता - उदा. शाळेतले मित्र, कॉलेजातले मित्र, अॉफिसमधले सहकारी, नातेवाईक, अगदी जवळचे काही खास लोक इ. या तयार असलेल्या लिस्टमधील सर्वांना तुम्ही एखाद्या कार्यक्रमाचे निमंत्रण पाठवू शकता. तुमच्या मेलबॉक्समधील (याहू, जी-मेल, हॉटमेल, प्लॅक्सो इ.) कॉन्टॅक्ट्सही इम्पोर्ट करता येतात. व्ही-कार्ड किंवा सीएसव्ही फॉरमॅटमधील कॉन्टॅक्ट्सही इम्पोर्ट करता येतात. हेच इन्व्हिटेशन तुम्ही ट्विटरवर देखील पोस्ट करू शकता.
४. आरएसव्हीपीः कार्यक्रमापूवर्वी रिमाईंडर मेसेजेसही पाठविता येतात. निमंत्रण स्वीकारल्यानंतर थॅंक यू नोटही पाठवली जाते.
५. इव्हेंट वेब पेजः सदर कार्यक्रमासाठी स्वतंत्र वेब पेजही तयार करून निमंत्रितांना पाठवता येते.
६. फोटो आणि व्हिडीओः कार्यक्रमानच्या वेबपेजवर फोटो आणि व्हिडीओही अपलोड करता येतात. फ्लिकरवरून फोटो किंवा अल्बमही इम्पोर्ट करू शकता.
७. इव्हेंट फंड आणि गिफ्ट रजिस्ट्रीः माजी विद्याथर्थी मेळावा किंवा अशाच इतर काही कार्यक्रमासाठी निधी गोळा करावा लागतो. त्यात घोळ होण्याची शक्यता असते. पे-पालच्या साह्याने तुम्ही निमंत्रितांकडून निधी संकलनाचे कामही करू शकता. त्याचप्रमाणे अॅमेझॉनसारखी गिफ्ट व्हाऊचरही निमंत्रकास गिफ्ट म्हणून देऊ शकता.

एवढं सगळं केल्यानंतर ई-मेल, एसएमएस आणि प्रिंटच्या माध्यमातून तुम्ही निमंत्रण पाठवू शकाल. २० एसएमएससाठी दीड डॉलर एवढा खर्च येतो. त्याएेवजी तुम्ही गुगल एसएमएस चॅनेल वापरून मोफत एसएमएस पाठवू शकता. कार्यक्रमापूवर्वी तुम्हाला इव्हेंट रिपोर्टही मिळतो.
Read the full story

तुम्हाला माऊसपेक्षा कीबोर्ड वापरणे अधिक आवडत असेल तर जर्मनीच्या एका तरुणाने तयार केलेले नवे मेटा-सर्च इंजिन तुम्हाला नक्कीच आवडेल. माऊसलेस सर्चिंगचे उद्दिष्ट ठेवून २१ वषर्षीय ज्युलिअस एकर्टने कीबोर्डर ही साईट सुरू केली आहे. Navigate with arrow keys. Open with enter, असे या साईटचे ब्रीदवाक्य आहे.

इंटरॅक्टिव्ह इंटरफेस ही कीबोर्डरची खासियत. कीबोर्डरचे होमपेज अगदी गुगलप्रमाणेच स्वच्छ आहे. पेजच्या मध्यभागी डिजिटल घड्याळ आहे. होमपेजवर अगदी वर डाव्या बाजूस सर्च बॉक्स आहे. सर्च क्वेरी दिल्यानंतर घड्याळ नाहीसे होऊन गुगल, गुगल इमेजेस, विकिपेडिया, यू ट्यूब आदी साईट्सवरून फेच केलेले रिझल्ट्स दिसतात. कीबोर्डवरील अॅरो कीजने तुम्ही नेव्हिगेट करू शकता. एंटर केल्यास संबंधिक रिझल्ट ओपन होईल. All Results वर क्लिक केल्यास तुम्ही संबंधित साईटच्या (उदा. गुगल) रिझल्ट पेजवर जाऊ शकाल. भविष्यात फ्रेंडफीड, डेलिशियस, फ्लिकर, गुगल डॉक्स आणि आणखी बऱ्याच साईट्सवरील रिझल्ट्स फेच करण्याची एकर्टची योजना आहे.

कीबोर्डरचे होमपेज

कीबोर्डरचे रिझल्टपेज


टिपः कोणतीही साईट केवळ कीबोर्डच्या आधाराने ओपन करण्यासाठी तुम्हा फायरफॉक्सचे माऊसलेस ब्राऊजिंग हे एक्स्टेंशन वापरू शकता.
Read the full story

कायर्यालयीन किंवा खासगी कामानिमित्त आपल्याला अनेकदा बाहेरगावी जावं लागतं. अशावेळी गरजेपुरते पैसे (कॅश) आपण जवळ ठेवतो आणि काही लागलेच तर एटीएममधून काढता येतील, असे समजून बाहेर पडतो. आपली भेट एक-दोन दिवसांची असेल तर धावपळ होणे साहजिक असते. मग एेनवेळी पैसे कमी पडतात, डेबिट किंवा क्रेडिट कार्डने पेमेंट करता येत नाही, एटीएम कुठे आहे हे माहित नसतं, गाडी सुटायची वेळ झालेली असते...थोडक्यात सांगायचं तर आपली पुरती वाट लागते.

आपल्या बॅंकेचं एटीएम संबंधित गावात असेलच असं नाही. त्यामुळे अनेक वेळा सहयोगी बॅंकेच्या एटीएममधून पैसे काढावे लागतात. जगातील बहुतांश एटीएममध्ये व्हिसा कार्ड चालतात. तुमच्याकडे व्हिसा कार्ड असेल तर तुम्ही अगदी मोबाईलवरूनही नजीकच्या एटीमएमची माहिती मिळवू शकता.


व्हिसा ग्लोबलने ही सुविधा ग्राहकांसाठी उपलब्ध करून दिली आहे. देशाचे नाव आणि गावाचे नाव एंटर केल्यानंतर तेथील सर्व एटीएम केंद्रांची यादी पाहावयास मिळते. तुम्हाला विशिष्ट बॅंकेचे एटीएम शोधायचे असेल तर अॅडव्हान्स्ड सर्चमध्ये जाऊन शोधू शकता. एकूण १७० देशांतील व्हिसा एटीएम्सचा यात समावेश आहे. ही सेवा वापरण्यासाठी खालील लिंकवर क्लिक करा.
http://visa.via.infonow.net/locator/global/

ही लिंक लांबलचक आणि लक्षात ठेवण्यास अवघड आहे. मात्र, टायनीयूआरएल वापरून कस्टमाईज केल्यास हीच साईट तुम्ही पुढील लिंकवरून देखील अॅक्सेस करू शकताः http://tinyurl.com/VisaATM
Read the full story

तुम्ही नोकियाचे फॅन आहात? तुम्ही स्पोर्ट््टस आणि फिटनेस अॅक्टिव्हिटीजमध्ये इंटरेस्टेड आहात? तुमच्याकडे नोकियाचा जीपीएस एनेबल्ड फोन आहे? या सगळ्य प्रश्नांचे उत्तर ‘हो’ असेल तर तुमच्यासाठी एका भन्नाट सेवेची मािहती मी आज देणार आहे. या सेवेचे नाव आहे नोकिया स्पोर्ट््टस ट्रॅकर.

नोकिया स्पोर्ट््टस ट्रॅकर म्हणजे तुमचा पर्सनल फिटनेस मॅनेजर. एखादा फिटनेस इन्स्ट्रक्टरदेखील तुमच्या फिटनेस आणि स्पोर्ट््टस अॅक्टिव्हिटीजचा एवढा अॅक्युरेट ट्रॅक ठेवू शकणार नाही. नोकिया स्पोर्ट््टस ट्रॅकर जीपीएसच्या आधारे तुमच्या अॅक्टिव्हिटीजचा ट्रॅक ठेवते. या अॅक्टिव्हिटीजमध्ये वॉकिंग, रनिंग, सायकलिंग, स्किईंग आदींचा समावेश आहे. तुमच्या हॅंडसेटमध्ये नोकिया स्पोर्ट््टस ट्रॅकर अगोदरच इन्स्टॉल केलेले असेल तर तुम्ही थेट त्याचा वापर सुरू करू शकता अथवा येथून डाऊनलोड करू शकता. तुमच्या हॅंडसेटवर स्पोर्ट््टस ट्रॅकर इन्स्टॉल करता येणे शक्य आहे किंवा नाही, हे तपासण्यासाठी येथे क्लिक करा.
नोकिया स्पोर्ट््टस ट्रॅकर कसे वापरावे?
समजा तुम्ही दररोज सकाळी तासभर फिरावयास जाता. आपण किती किलोमीटर चाललो, किती स्पीडने चाललो याची ढोबळ माहिती आपल्याला असते. परंतु हीच माहिती अगदी अॅक्युरेट हवी असेल तर नोकिया स्पोर्ट््टस ट्रॅकरचा वापर करता येईल. तुमच्या मोबाईलमध्ये इन्स्टॉलेशन या फोल्डरमध्ये असलेल्या नोकिया स्पोर्ट््टस ट्रॅकर या आयकॉनवर क्लिक करा. अॅक्टिव्हिटी सिलेक्ट करून ओके म्हटल्यानंतर ‘अपलोड टू सर्विस’ असे विचारले जाईल. येस असे म्हटल्यानंतर तुमच्या अॅक्टिव्हिटीज नोकियाच्या स्पोर्ट््टसट्रॅकर वेब सर्विसवर अपलोड होतील.

सेटिंग्ज



अॅक्टिव्हिटी मॉनिटर



वर्कआऊट शेड्यूल


वर्कआऊट समरी


तुम्ही किती वेळ चाललात, किती गतीने चाललात, कुठे गती कमी झाली, कुठे वाढली, ताशी वेग किती होता अशी सर्व प्रकारची माहिती तुमच्या मोबाईलवर तुम्हाला दिसू शकेल. हीच सर्व माहिती वेबवरदेखील स्टोअर राहील. स्पोर्ट््टसट्रॅकरच्या वेब सर्विसवर तुमचा अॅक्टिव्हिटी रूट गुगल मॅपवर डिस्प्ले होईल. ही माहिती तुम्ही इतरांशी किंवा तुमच्या मित्रांशी अॉनलाईन शेअर करू शकाल. तुम्ही तुमचा फिटनेस ग्रुप तयार करू शकता आणि इतर ग्रुप व कम्युनिटीज जॉईनदेखील करू शकता.

नोकियाच्या सध्याच्या हॉट सेलिंग E71 हॅंडसेटवर स्पोर्टस ट्रॅकर आहे. Fortune या मासिकाने या हॅंडसेटला बेस्ट पीडीए म्हणून गौरवले आहे. या संबंधी अधिक माहितीसाठी येथे क्लिक करा.
Read the full story

स्पधर्धेत भाग घेण्यासाठीचे किंवा स्पधर्धा परीक्षेसाठीचे अर्ज आता अॉनलाईन उपलब्ध असतात; पण शेवटी ते डाऊनलोड करून हाताने भरावे लागतात. एखादी चूक झाली की पुन्हा प्रिंट काढा आणि पहिल्यापासून भरा...असे कार्यक्रम होतात. काही वेळा वाटते की भारतातली विद्यापीठे केवळ नावाला अॉनलाईन झालीयेत - प्रोसेसेस सगळ्या अॉफलाईनच असतात. वेबसाईटवर पीडीएफ डाऊनलोडसाठी ठेवले की विद्यापीठातील प्रवेशप्रक्रिया अॉनलाईन होणार, अशा बातम्या येण्यास सुरवात होते. असो. ही परिस्थिती सुधारण्यास आणखी काही वर्षे तरी किमान लागतील. तोपर्यंत असे पीडीएफ फॉर्म अॉनलाईन कसे भरता येतील, याविषयीच्या काही सेवांबद्दलची माहिती करून घ्या.


पीडीएफ फॉर्म एडिटर किंवा पीडीएफ फॉर्म फिलर या कॅटेगरीतल्या अनेक सेवा अॉफलाईन तसेच अॉनलाईन स्वरूपात उपलब्ध आहेत. यातील बहुतांश सेवा पेड अाहेत. या पोस्टमध्ये मी मोफत सेवांबद्दल माहिती देणार आहे

पीडीएफ एस्केपः पीडीएफ फाईल्स एडिट करण्यासाठी किंवा पीडीएफ फॉर्म भरण्यासाठी पीडीएफ एस्केप ही अॉनलाईन सेवा तुम्ही वापरू शकता. कॉम्प्युटरवर स्टोअर केलेली किंवा इंटरनेटवरील फाईल पीडीएफ एस्केपमध्ये अपलोड केल्यानंतर तुम्ही हवे ते बदल त्यात करू शकता. उदा. एखादी ओळ किंवा एखादा पॅराग्राफ अॅड करणे, पानांचा क्रम बदलणे किंवा एखादे पान डिलीट करणे, वेबलिंक्स अॅड करणे आदी बदल करणे शक्य होते. फॉर्म स्वरूपातील पीडीएफ फाईल अपलोड केल्यानंतर त्यातील फॉर्म फिल्ड्स फिकट निळ्या रंगात डिस्प्ले होतात.



त्यावर कर्सर नेऊन तुम्ही थेट त्या फिल्डमध्ये संबंधित माहिती भरू शकता. जेंडर, मॅरिटल स्टेटस आदींसारख्या फिल्डमध्ये क्लिक केल्यास चेकमार्क्स येतात. फॉर्म भरून झाल्यानंतर तुम्ही तो सेव्ह करून डाऊनलोड करू शकता. ही सेवा वापरण्यासाठी रजिस्ट्रेशन करणे बंधनकारक नाही.
पीडीएफ फिलरः पीडीएफ एस्केपसारखीच ही सेवा आहे. या सेवेचा इंटरफेस अधिक सोपा आणि सुटसुटीत आहे. ही सेवा वापरून फॉर्म डाऊनलोड करण्यासाठी रजिस्ट्रेशन करणे गरजेचे आहे. रजिस्टर्ड मेंबर्स फॉर्म ई-मेल िकंवा फॅक्सही करू शकतात.

तुम्हाला या कॅटेगरीतील आणखी काही सेवा माहित आहेत? असल्यास साधी-सोपी टेक्नॉलॉजीच्या वाचकांसोबत नक्की शेअर करा.
Read the full story

झिप-ए-झॅप या इंडियन टीव्ही प्रोग्रामिंग गाईडची ओळख तुम्हाला गेल्या एका पोस्टमध्ये करून दिली होती. तुमच्यापैकी अनेक जण ही सेवा वापरत असतीलही. या सेवेमार्फत रेकमंडेड प्रोग्राम्सचे ई-मेल अलर्ट् नियमित येतात. एसएमएस अलर्ट मिळण्यास अडचणी येतात, असे माझ्या लक्षात आले. त्यामुळे अशीच एखादी दुसरी सेवा आहे किंवा कसे, याचा शोध घेण्याचा प्रयत्न केला आणि झिप-ए-झॅपपेक्षाही उत्तम सेवा सापडली.

बर्प या साईटबद्दल तुम्ही कधी एेकले आहे? एेकले नसल्यास सांगतो. आयआयटी कानपूरमधील एका विद्यार्थ्याने २००६ मध्ये बर्प डॉट कॉम ही साईट सुरू केली. सुरवातीला या सेवेचे उद्दिष्ट सिटी गाईड्स एवढ्यापुरतेच मयर्यादित होते. पुरेसे आर्थिक पाठबळ मिळाल्यामुळे बर्पच्या संस्थापकाने सिटी गाईड, सिटी सर्च, रिव्ह्य्ज, लाईफस्टाईल याविषयीच्या विविध अॉनलाईन सेवा सुरू केल्या. बर्प टीव्ही ही त्यापैकीच एक सेवा. बर्प टीव्ही म्हणजे भारतात दिसणाऱ्या ढीगभर चॅनेल्सचे अॉनलाईन प्रोग्राम गाईड! झिप-ए-झॅपपेक्षा बर्प टीव्ही अधिक प्रोफेशनल वाटतो. याचा इंटरफेसही वेब २.० साईटला साजेसा असा आहे. चॅनेल्सच्या कॅटेगरीज, प्रोग्राम जॉनर, मूव्हीज अॉन टीव्ही अशा सेक्शन्समुळे ही साईट अधिक उपयुक्त ठरते. शिवाय मोबाईल नंबर रजिस्ट्रेशन केल्यानंतर तुम्हाला कार्यक्रमांचे एसएमएस अलर्टही मिळतात.

प्रोग्राम लिस्टिंग


मूव्हीज अॉन टीव्ही


एसएमएस अलर्ट


फेव्हरेट चॅनेल्स, फेव्हरेट प्रोग्राम्स अशा लिस्टिंगही तुम्ही करून ठेवू शकता. फेव्हरेट प्रोग्राम्सचे एसएमएस अलर्ट तुम्हाला नियमित मिळतील. प्रोग्राम लिस्टिंग तुम्हाला ई-मेलवर देखील मिळू शकते. एवढेच नव्हे तर तुम्ही मोबाईलवरूनदेखील बर्प टीव्ही सर्फ करू शकता. त्यासाठी http://tv.burrp.com/m/ अशी लिंक तुमच्या मोबाईल ब्राऊजरमध्ये टाईप करून सर्फ करा व तुमचा अनुभव कळवा.
Read the full story

The script tried to execute a method or access a property of an incomplete object

असा काहीसा एरर मेसेज अाल्यामुळे शैलेशचे काम एकदम थांबले. तो ज्या प्रोग्राममध्ये काम करत होता त्यातील हेल्प अॉप्शनमध्येदेखील यावर सोल्यूशन नव्हते. आता काय करणार? विशिष्ट टेक्नॉलॉजीशी संबंधित फोरम्सवर अशा प्रश्नांचे उत्तर सापडण्याची शक्यता असते. पण असे फोरम शोधणेदेखील तितकेच अवघड जाते. काहीवेळेला एरर काय आहे, हेच मुळी कळत नाही. त्यामुळे सोल्यूशन शोधायचे ते कशाचे, हा प्रश्न पडतो. एरर मेसेजचा अर्थ सांगणाऱ्या आणि त्यावर सोल्यूशन देणाऱ्या बग्ड या सेवेबद्दल मी आज माहिती देणार आहे.



गेल्या वषर्षी बीटा आवृत्ती लॉंच केल्यानंतर आता बग्ड (http://bug.gd) ही सेवा खऱ्या अथर्थाने कोलॅबरेटिव्ह सेवा बनली आहे. आतापर्यंत हजारो एरर मेसेजेससाठीचे सोल्यूशन्स या सेवेमार्फत दिले गेले असून दिवसेंदिवस त्यात भर पडत आहे. बग्ड वापरणे अतिशय सोपे आहे. तुम्ही एखादी अॅक्टिव्हिटी करत असताना अचानक काहीतरी चूक घडली की तुमच्यासमोर एरर मेसेज येतो. हा एरर मेसेज कॉपी करून बग्ड डॉट कॉमवरील हेल्प विंडोत पेस्ट करा किंवा नव्याने टाईप करा. सर्चवर क्लिक केल्यानंतर संबंधित एरर कशामुळे आली असून त्यावरील सोल्यूशन (अगोदर एखाद्या युजरने दिले असल्यास) मिळेल. तुमच्या एररवर सोल्यूशन नसेल तर तुम्हाला किमान ४८ तासांसाठी थांबण्याची विनंती केली जाते. तुमच्या एररवर एखाद्या व्यक्तीने सोल्यूशन दिले की तुम्हाला ई-मेलद्वारे त्याची सूचना मिळते. बग्डचा डेटाबेस बऱ्यापैकी मोठा असल्याने बहुतांश एररवरील सोल्यूशन यात उपलब्ध आहे. तुम्ही एखाद्या कंपनीत असाल तर तुम्ही कंपनीच्या सिस्टिममध्ये येणाऱ्या एररचा स्वतंत्र डेटाबेस करून तो संबंधित कंपनीतील कर्मचाऱ्यांशी शेअरही करू शकता. बग्डचे फायरफॉक्स एक्स्टेंशनही उपलब्ध आहे.
Read the full story

आज ही पोस्ट लिहिताना शाळेतल्या सरांची आठवण येतेय. नववी-दहावीत असताना आम्हाला भूगोल शिकवायला वाठोरे सर होते. प्रत्येक सरांची जशी एक लकब असते, तशी यांची विशिष्ट लकब होती. ते बोलताना ‘प’चा उच्चार ‘फ’ असा करायचे. म्हणजे, ‘पृथ्वीचा ७० टक्के पृष्ठभाग पाण्याने व्यापलेला आहे,’ हे वाक्य ते ‘फृथ्वीचा ७० टक्के फृष्ठभाग फाण्याने व्याफलेला आहे,’ असे बोलायचे. सुरवातीला आम्हाला विचित्र वाटायचे, फण नंतर सवय झाली (:-)). आम्हीही एकमेकांशी तसंच बोलायला लागलो. काल सर्च करताना एक नवी साईट सापडली आणि वाठोरे सरांची प्रकषर्षाने आठवण आली.

फिन्च हे त्या नव्या साईटचे नाव. या सेवेचे मी केलेले वर्णन असेः खिशाला फिन्च (अथर्थात पिन्च) बसू नये म्हणून वापरावी अशी सेवा म्हणजे फिन्च. मागे एका पोस्टमध्ये मी फोनिफायर या सेवेबद्दल माहिती दिली होती. मोबाईलवर वेब सर्फिंग करताना पुरेसा स्पीड मिळत नाही. त्यात आपल्याला हव्या त्या साईटवर भरपूर इमेजेस आणि इतर इलेमेंट्स असली की साईट लोड होण्यास वेळही लागतो आणि जीपीआरएसचे चार्जेसही वाढतात. ज्यांच्या घरी अद्यापही डायल-अप इंटरनेट कनेक्शन्स आहेत त्यांनादेखील हेवी साईट्स लोड करताना त्रास होतो. डेटाकार्ड किंवा यूएसबी इंटरनेट वापरणाऱ्यांच्या त्रासाला तर सीमाच नाही. अशा सर्व दुःखी-कष्टी लोकांसाठी फिन्च ही सेवा उपयोगास येते. तुम्हाला जी साईट अॅक्सेस करायची आहे, ती तुम्ही फिन्चच्या माध्यमातून अॅक्सेस केली की त्यातील डिझाईन इलेमेंट्स, इमेजेस, फ्लॅश फाईल्स आदी गोष्टी बाजूला ठेवून केवळ टेक्स्ट लोड केले जाते. त्यामुळे न्यूयॉर्क टाईम्सचे १.४ एमबीचे होमपेज केवळ ८४ केबीत ओपन होते. तब्बल ९४ टक्क्यांनी साईज कमी होणे म्हणजे पैसा आणि वेळ दोन्हीची बचत.

New York Times (Original Size: 1.4mb)



New York Times (With Finch: 84 kb)




Read the full story

भविष्य, मेनू, आरोग्य, ज्ञान;
उपयुक्त साहित्य प्रत्येक पान
ही कशाची जाहिरात आहे, हे वेगळं सांगायला नको. तुम्ही देशात असा की परदेशात, सण, तिथी, मुहूर्त पाहण्यासाठी कालनिर्णय किंवा तत्सम कोणतेही मराठी कॅलेंडर भिंतीवर असायलाच हवे. काळाबरोबर कालनिर्णयने देखील योग्य निर्णय घेऊन कार कालनिर्णय वगैरे प्रकार बाजारात आणले. असो. नोव्हेंबर, डिसेंबर आला की आपल्याला पुढील वषर्षाच्या कॅलेंडरचे वेध लागता. हल्ली कॉम्प्युटर, मोबाईलमुळे भिंतीवरच्या कॅलेंडरची फारशी गरज भासत नाही. पण तरीदेखील आपल्यापैकी अनेकांना डेस्क कॅलेंडर किंवा पॉकेट कॅलेंडरची सवय असते. आपल्याला हवे तसे, हव्या त्या आकारातले कॅलेंडर बाजारात काही केल्या मिळत नाही.

अशावेळी तुम्ही ई-प्रिंटेबल कॅलेंडर्स ही सेवा वापरू शकता. काही सेकंदात तुम्हाला हव्या त्या महिन्याचे किंवा वषर्षाचे कॅलेंडर हव्या त्या आकारात तयार करण्यासाठी ही सेवा सुरू करण्यात आली आहे. तुम्ही फक्त महिना, वर्ष, आकार आणि रंग निवडायचा, िक्रएट वर क्लिक करायचे आणि तयार कॅलेंडर थेट प्रिंट करून घ्यायचे.



Create:



And print:



याच साईटवर प्रिंट करून घेण्याजोग्या अनेक गोष्टींची यादी आणि तयार टेम्प्लेट्स आहेत. उदा. नेहमी लागणाऱ्या किराणा सामानाची यादी तुम्ही कस्टमाईज करून प्रिंट करू शकता. या शिवाय टू-डू लिस्ट, वीकली प्लॅनर, बॉडी वेट चार्ट, लोन रिपेमेंट चार्ट, फ्लॅश कार्ड्स, गेम्स आदी अनेक गोष्टी यात तुम्हाला सापडतील.
Read the full story