स्वतःचा व्यवसाय असल्यास बिझनेस कार्ड किंवा व्हिजिटिंग कार्ड असणं अत्यंत महत्त्वाचं असतं. पण आपल्याला हवं तसं बिझनेस कार्ड तयार करायचं म्हटलं की डिझायनिंग कॉस्ट आली. बऱ्याचशा नवउद्योजकांचा कल खर्च कमी करण्याकडे असतो. तथापि, समोरच्या व्यक्तीवर (आणि ती व्यक्ती पोटेंशियल क्लाएंट असेल तर) छाप पाडण्यासाठी तुमचे व्यक्तीमत्त्व आणि बिझनेस कार्ड यांचा सवर्वाधिक उपयोग होतो. आजच्या पोस्टमधील सेवांचा आधार घेऊन तुम्ही अगदी दहा मिनिटांत तुमचे बिझनेस कार्ड तयार करू शकता.

१. बिझनेस कार्ड लॅंड


तुम्हाला तुमच्या अलाईड अॅक्टीव्हिटीजसाठी - म्हणजे सामाजिक सेवा, एखाद्या संस्थेतील सदस्यत्त्व, फ्रीलान्सिंग, हॉबीज वगैरे - कार्ड तयार करायचे असल्यास बिझनेस कार्ड लॅंड ही साईट उपयोगाची ठरते. यात ठराविक बिझनेस कार्डसाठीची ठराविक टेम्प्लेट्स आहेत. काही अत्यंत साधी तर काही डिझायनर टेम्प्लेट्स उपलब्ध करून दिलेली आहेत. त्यातील कोणतेही टेम्प्लेट निवडून स्टॅंडर्ड अमेरिकन किंवा स्टॅंडर्ड इंटरनॅशनल साईजमध्ये तुम्ही बिझनेस कार्ड तयार करू शकता. त्यानंतर तुम्ही तुमचे पर्सनल डिटेल्स एंटर करून कार्ड पूर्ण करू शकता. या सेवेतून तयार झालेले पीडीएफ रेडी टू प्रिंट असते. ही सेवा वापरण्यासाठी रजिस्ट्रेशन करावे लागत नाही

२. डे (Deyey)


तुमच्या कंपनीचा लोगो वापरून किंवा तुमची क्रिएटिव्हिटी वापरून कार्ड डिझाईन करायचे असल्यास तुम्ही डे ही सेवा वापरून शकता. ही सेवा म्हणजे पॉवरपॉईंटसारखी आहे. पॉवरपॉईंटची स्लाईड करताना आपण ज्याप्रमाणे इमेजेस, टेक्स्ट प्लेस करून आपल्याला हवं तिथे हलवू शकतो अगदी तसेच कन्ट्रोल्स वापरून आपण डेमध्ये आपले बिझनेस कार्ड तयार करू शकतो. तयार झालेले बिझनेस कार्ड जेपीजी फॉरमॅटमध्ये सेव्ह करता येते. ही फाईलदेखील रेडी टू प्रिंट असते. ही सेवा वापरण्यासाठी रजिस्ट्रेशन करावे लागते.

लोगो तयार करण्यासंबंधीच्या टिप्ससाठी वाचाः उत्तम लोगो तयार करण्यासाठी...
Also read:
How to design business cards?
How important are business cards?