शैलेशकडे कुठलंतरी भन्नाट गाणं होतं. लॅटिन अमेरिकेतील असावं बहुदा. बोल कळत नव्हते, त्यातील व्यक्ती ओळखीच्या नव्हत्या, पण गाणं ठेका धरायला लावणारं होतं. त्याने मोबाईलवर दाखवलं आणि सगळ्यांनी ते गाणं पटापट ट्रान्स्फर करून घेतलं. काहींनी रिंगटोन म्हणून सेट करण्याचा असफल प्रयत्नही केला. असफलंच होणार होता तो प्रयत्न - कारण ते गाणं व्हिडीओ फॉरमॅटमध्ये होतं. आता व्हिडीओ फाईलला एमपीथ्रीमध्ये कसं कन्व्हर्ट करणार?

काहीवेळा असा प्रसंग येतो. एखादा व्हिडीओ आपल्याला अॉडिओ फॉरमॅटमध्ये कन्व्हर्ट करून हवा असतो. व्हिडीओची साईज १०० एमबीपर्यंत असेल तर तुम्ही झमझारसारखी (वाचाः दमदार फाईल कन्व्हर्टर) अॉनलाईन फाईल कन्व्हर्टर सेवा वापरू शकता. त्याहून अधिक फाईल साईजसाठी अॉफलाईन कन्व्हर्टर सोयीचे जाते. अशावेळी तुम्ही Video to MP3 Converter वापरू शकता. हे कन्व्हर्टर वापरून व्हिडीओ फाईल एमपीथ्रीमध्ये कन्व्हर्ट करण्यासाठी पुढील स्टेप्स फॉलो कराः

१. Video to MP3 Converter डाऊनलोड करून इन्स्टॉल करा
२. अॅप्लीकेशनमधून हवी ती व्हिडीओ फाईल ओपन करा
३. आऊटपूट फोल्डर सिलेक्ट करा (या फोल्डरमध्ये कन्व्हर्टेड फाईल स्टोअर होईल)
४. व्हिडीओतील पोर्शन ट्रिम करायचा असल्यास तो सिलेक्ट करा
५. कन्व्हर्टवर क्लिक केल्यानंतर फाईल कन्व्हर्ट होईल



या कन्व्हर्टरचा वापर करून तुम्ही पॉप्युलर व्हिडीओ शोज (उदा. लाफ्टर चॅलेंज, हास्यसम्राट, सारेगमप, व्हॉईस अॉफ इंडिया आदी.) यूट्यूब किंवा इतर साईट्सवरून डाऊनलोड करून (वाचाः झटपट डाऊनलोड) एमपीथ्रीमध्ये कन्व्हर्ट करू शकता. ही फाईल तुम्ही प्रवासादरम्यान तुमच्या एमपीथ्रीप्लेयरमध्ये एेकू शकता.