गुगल लॅब्जची नवी फीचर्स
गुगल लॅब्जने काही नवी फीचर्स काल अॅड केली आहेत. यापूवर्वी लॅब्जने एकाचवेळी १३ फीचर्स अॅड केली होती. काल त्यांनी ८-९ नव्या फीचर्सची घोषणा केली आहे. यातील सवर्वांत महत्त्वाचे आणि गरजेचे फीचर म्हणजे राईट हॅंड चॅट अॅंड लेबल.
तुम्ही वाईडस्क्रीन डेस्कटॉप किंवा लॅपटॉप वापरत असाल आणि कायम जी-मेल वापरत असाल तर हे फीचर तुमच्यासाठी अत्यंत उपयुक्त ठरेल. तुमच्या जी-मेल अकाऊंटमध्ये शेकडो लेबल्स आणि तितकेच चॅट फ्रेंड्स असतील तर स्क्रोल डाऊन करण्याशिवाय पर्याय उरत नाही. अशावेळी तुम्ही सेटिंगमध्ये जाऊन लॅब्जवर क्लिक करा. त्यात राईट-साईड चॅट आणि राईट-साईड लेबल्स असे पर्याय दिसतील. एनेबल केल्यानंतर चॅट बॉक्स आणि लेबल बॉक्स उजव्या बाजूस शिफ्ट होतील. यासोबतच डाव्या बाजूस असणारे एलेमेंट्स हलवण्यासाठी तुम्ही नेव्हीगेशन बार ड्रॅग अॅंड ड्रॉप हे फीचर वापरू शकता.
लेबलसाठी कस्टमाईज्ड कलर आणि गो टू लेबल ही दोन नवी फीचर्सही अॅड केलेली आहेत. रिप्लायसाठी तीन नवी फीचर्स अॅड केलेली आहेत. तसेच अनेक वेळा अॅटॅचमेंट पाठवण्यास विसरणाऱ्यांसाठी फरगॉटन अॅटॅचमेंट रिमाईंडर हेही फीचर अाहे.
या अगोदरच्या फीचर्ससाठी वाचाः तुम्ही जी-मेल लॅब्ज ट्राय केलंत का?
0 comments »
Post a Comment